టైటిల్ : అన్వేషిప్పిన్ కండెతుమ్
డైరెక్షన్ : డార్విన్ కురైకోస్
కాస్ట్ : టొవినో థామస్, ఆర్తన బిను, అశ్వతి మనోహరన్, రాహుల్ రాజగోపాల్, ఇంద్రాన్స్, జాఫర్
ప్లాట్ఫాం : నెట్ఫ్లిక్స్
లాంగ్వేజ్ : తెలుగు, మలయాళం, తమిళం, కన్నడ, హిందీ
ఆనంద్ నారాయణన్ (టొవినో థామస్) చింగావనం అనే ఊరిలో ఎస్.ఐ.గా పనిచేస్తుంటాడు. ఒక అమ్మాయి మిస్సింగ్ కేస్ విషయంలో ఎంతో కష్టపడి నేరస్తుడిని పట్టుకుంటాడు. అయితే, అతను పోలీసుల కళ్లముందే సూసైడ్ చేసుకుంటాడు. దాంతో ఆనంద్ టీంని డిపార్ట్మెంట్ సస్పెండ్ చేస్తుంది. ఆ తర్వాత అనుకోకుండా మరో కేసు వస్తుంది. దాన్ని అనధికారికంగా ఇన్వెస్టిగేట్ చేయడం మొదలుపెడతాడు ఆనంద్.
మరి ఆ కేస్ సాల్వ్ చేశాడా? సస్పెన్షన్ తీసేశారా? వంటివి తెలియాలంటే సినిమా చూడాల్సిందే. ఇప్పటికే ఎన్నో రకాల ఇన్వెస్టిగేటివ్ థ్రిల్లర్స్ చాలా చూసుంటాం. కానీ వేటికవే భిన్నంగా ఉంటాయి. ఇది కూడా అంతే. ట్విస్ట్ల పరంగా మెప్పించింది ఈ సినిమా. ఇందులో మర్డర్ కేస్ సాల్వ్ చేయడం మాత్రమే చూపించలేదు. వాటితోపాటు పోలీస్ వ్యవస్థలో జరిగే రాజకీయాలు కూడా చూపించే ప్రయత్నం చేశారు. మొత్తంగా ఈ కథ1980–90 మధ్య జరిగిన ఒక పోలీస్ స్టోరీ. టొవినో థామస్ యాక్టింగ్, బ్యాక్గ్రౌండ్ మ్యూజిక్, సినిమాటోగ్రఫీ బాగున్నాయి.
‘స్టూడియో’ పోరు
టైటిల్ : షో టైం
డైరెక్షన్ : సుమిత్ రాయ్
కాస్ట్ : ఇమ్రాన్ హష్మి, నసీరుద్దీన్ షా, మహిమ మక్వానా, మౌనీ రాయ్, రాజీవ్ కండెల్వాల్, శ్రియా శరణ్, విజయ్ రాజ్
ప్లాట్ఫాం : డిస్నీ ప్లస్ హాట్ స్టార్
లాంగ్వేజ్ : తెలుగు, హిందీ
తండ్రి (నసీరుద్దీన్ షా) కట్టించిన విక్టరీ స్టూడియోస్‌ని కొడుకు రఘు ఖన్నా (ఇమ్రాన్ హష్మీ) చూసుకుంటుంటాడు. అయితే, కొడుకు ‘ఓకే’ చేస్తున్న పనులు, తీస్తున్న సినిమాలు తండ్రికి నచ్చవు. రఘు కొత్తగా తీసిన ‘ప్యార్ డేంజరస్’ అనే సినిమా భారీ అంచనాల మధ్య రిలీజ్ అవుతుంది. క్రిటిక్స్కి లంచం ఇచ్చి అయినా పాజిటివ్ రివ్యూలు చెప్పించాలని ప్రయత్నిస్తాడు. ‘న్యూస్ సమాచార్‌’ అనే మీడియాలో తరుణ్ అనే అతను సినిమా రివ్యూలు రాస్తుంటాడు.
ఆ సినిమా రివ్యూ చేయాల్సిన టైంకి అతనికి ఆరోగ్యం బాగోలేకపోవడంతో ఆ పనిని జూనియర్ అయిన మహిక నంది (మహిమ మక్వానా)కి అప్పగిస్తాడు. సినిమా బాగుందని రివ్యూ చెప్పించడం కోసం మహికకు రఘు దగ్గర పనిచేసే జికో (గురుప్రీత్ సైనీ) ద్వారా ఒక స్మార్ట్ ఫోన్ ఇప్పిస్తాడు. ఆ తర్వాత ఏమైందనేదే అసలు కథ. ఈ సిరీస్ రియల్ లైఫ్లో జరిగే ఇన్సిడెంట్స్ కొన్ని తీసుకుని తెరకెక్కించారు. డైరెక్షన్, స్క్రీన్ ప్లే బాగున్నాయి.
సినిమా నాలెడ్జ్‌ కాస్త ఎక్కువ ఉన్నవాళ్లకు బాగా కనెక్ట్ అవుతుంది. యాక్టింగ్ విషయానికొస్తే నసీరుద్దీన్ షా, ఇమ్రాన్ హష్మీల గురించి చెప్పక్కర్లేదు. ఎప్పటిలానే బాగా చేశారు. మహిక క్యారెక్టర్లో కనిపించిన మహిమ మక్వానా నటనకు స్కోప్ ఉన్న పాత్ర దొరికింది. మొదట్లో మైల్డ్గా కనిపించిన ఆ క్యారెక్టర్ సిరీస్ ముందుకు వెళ్తున్న కొద్దీ చాలా బలమైనదిగా మారిపోతుంది.
క్రిస్మస్ నైట్ ఏం జరిగింది?
టైటిల్ : మెర్రీ క్రిస్మస్
డైరెక్షన్ : శ్రీరామ్ రాఘవన్
కాస్ట్ : విజయ్ సేతుపతి, కత్రినా కైఫ్, రాధిక ఆప్టే, అదితి గోవిత్రికర్, సంజయ్ కపూర్, టిన్ను ఆనంద్, వినయ్ పాతక్
ప్లాట్ఫాం : నెట్ ఫ్లిక్స్
లాంగ్వేజ్ : తమిళం, హిందీ
ఆల్బర్ట్ (విజయ్ సేతుపతి) ఏడేండ్ల తర్వాత క్రిస్మస్ రోజు దుబాయి నుంచి ముంబైకి వస్తాడు. ఇంటికి వెళ్లేసరికి తల్లి చనిపోయినట్టు తెలుస్తుంది అతనికి. దాంతో ఏమీ తోచక ఇంటి నుంచి బయటకు వచ్చి రోడ్లపై తిరుగుతుంటాడు. కాసేపటి తర్వాత ఒక పెద్ద రెస్టారెంట్కి వెళ్తాడు. అప్పుడు మరియా (కత్రినా) కనిపిస్తుంది. ఆమెతోపాటు ఆమె కూతురు కూడా ఉంటుంది. ఆల్బర్ట్, మరియా ఒకరినొకరు పరిచయం చేసుకుంటారు. ఆ తర్వాత ఇద్దరూ రోడ్డుపై నడుచుకుంటూ వెళ్తుంటారు. మరియా తన అపార్ట్మెంట్కి రమ్మని ఆల్బర్ట్ని ఇన్వైట్ చేస్తుంది.
అది చాలా పాత కాలపు బిల్డింగ్. అపార్ట్మెంట్కి వెళ్లాక మ్యూజిక్ వింటూ, డాన్స్ చేస్తూ.. డ్రింక్ తాగుతూ.. సరదాగా స్పెండ్ చేస్తారు. కట్ చేస్తే.. మరియా భర్త ఆమె ఫ్లాట్లోనే హత్యకు గురై ఉంటాడు. ఆ హత్య ఎవరు చేశారు? ఎందుకు చేశారు? ఇందులో ఆల్బర్ట్ పాత్ర ఏంటి? వంటి ఇంట్రెస్టింగ్ విషయాలు తెలియాలంటే సినిమా చూడాల్సిందే. ఒక్క రాత్రిలో జరిగే ఈ కథ ఓవరాల్గా బాగుంది. కానీ, క్రిస్ప్గా చూపించాల్సిన స్టోరీని చాలా చోట్ల సాగదీసినట్లు అనిపిస్తుంది. చివర్లో ట్విస్ట్ బాగుంది. ఫస్టాఫ్ కాస్త లెంత్ తగ్గిస్తే ఇంకాస్త బాగుండేది. విజయ్ సేతుపతి యాక్టింగ్కి పెద్దగా స్కోప్ లేదు.
