ఆరు పంటలకు ఎంఎస్పీ పెంపు :కేంద్ర కేబినెట్ నిర్ణయం

• కేంద్ర కేబినెట్ భేటీలో నిర్ణయం.. రబీ సీజన్ నుంచే అమలు
• కేంద్ర ప్రభుత్వ ఉద్యోగులకు 3%  డీఏ 
• ఈ ఏడాది జులై  1 నుంచే అమలు
• ‘పీఎం ఆశా’ స్కీమ్​కు 35వేల కోట్లు 
• నాన్​యూరియా ఎరువులకు24,475 కోట్ల సబ్సిడీ

న్యూఢిల్లీ: సెంట్రల్​ గవర్నమెంట్​ ఎంప్లాయిస్, పెన్షనర్స్​​కు దీపావళి పండుగ వేళ కేంద్ర సర్కారు శుభవార్త చెప్పింది.  వారి డియర్​నెస్​  అలవెన్స్​ (డీఏ)ను 3 శాతం పెంచేందుకు నిర్ణయించింది.  2025-–26 మార్కెటింగ్ సీజన్‌‌కు గాను రబీ పంటలకు కనీస మద్దతు ధర ను పెంచింది. గోధుమసహా 6 పంటల ఎంఎస్పీ పెంపునకు ఆమోదం తెలిపింది. బుధవారం ఢిల్లీలో ప్రధాని నరేంద్ర మోదీ అధ్యక్షతన సమావేశమైన కేంద్ర క్యాబినెట్​ పలు కీలక నిర్ణయాలు తీసుకున్నది. ఈ వివరాలను సమావేశం అనంతరం కేంద్ర మంత్రి అశ్వినీ వైష్ణవ్​ మీడియాకు వెల్లడించారు. 

కేంద్ర ప్రభుత్వ ఉద్యోగులకు పెంచిన డీఏ ఈ ఏడాది జులై 1 నుంచి అమల్లోకి వస్తుంది. దీంతో ఉద్యోగులు, పెన్షనర్ల మూలవేతనంపై డీఏ 50 నుంచి 53 శాతానికి పెరగనున్నది. ఈ నిర్ణయం వల్ల కోటికిమందికి పైగా ప్రయోజనం చేకూరనున్నది.  డీఏ పెంపుతో కేంద్ర ఖజానాపై ఏడాదికి రూ.9,448 కోట్ల ఆర్థిక భారం పడనున్నది. కాగా, ఈ ఏడాది మార్చిలోనే కేంద్ర ఉద్యోగులు, పెన్షనర్ల జీతభత్యాలపై డీఏను 4% పెంచి, 50% చేసింది. ఈ ఏడాది జనవరి నుంచి ఇది అమలవుతున్నది.

ఆవాలకు అత్యధికంగా రూ.300 ఎంఎస్పీ పెంపు

2025–26 మార్కెట్​ సీజన్​కు రబీ పంటలకు కనీస మద్దతు ధరను పెంచుతూ కేంద్ర కేబినెట్​ నిర్ణయం తీసుకున్నది. గోధుమ సహా 6 పంటల ఎంఎస్పీని హైక్ చేసింది. రబీ సీజన్‌‌లో కీలక పంటల సాగును ప్రోత్సహించేందుకు, రైతులకు మెరుగైన ఆదాయం వచ్చేలా ఈ నిర్ణయం తీసుకున్నది. గోధుమపై కనీస మద్దతు ధరను తాజాగా క్వింటాల్​కు రూ.150 పెంచడంతో ఎంఎస్పీ ప్రస్తుతం రూ.2,425కు పెరిగింది.  

ఆవాల కనీస మద్దతు ధరను రూ.300 పెంచగా.. ఎంఎస్పీ రూ.5,950కి పెరిగింది. ఎర్ర కందులు క్వింటాల్​పై రూ.275, శనగలకు రూ.210, కుసుమలకు రూ.140, బార్లీకి రూ.130 చొప్పున పెంచారు.  అన్నదాతల ఆదాయం పెంచడమే లక్ష్యంగా ‘పీఎం అన్నదాత ఆయ్​ సంరక్షణ్​ అభియాన్’​ (పీఎం ఆశా) స్కీమ్​కు రూ.35 వేల కోట్లు ఇచ్చేందుకు ఆమోద ముద్ర వేసింది. 

రబీ పంట సీజన్‌‌కు సంబంధించి నాన్‌‌-యూరియా ఎరువులకు రూ.24,475 కోట్ల సబ్సిడీకి కేంద్రం గ్రీన్​సిగ్నల్​ ఇచ్చింది.కేంద్ర కేబినెట్ భేటీలో నిర్ణయం.. రబీ సీజన్ నుంచే అమలు కేంద్ర ప్రభుత్వ ఉద్యోగులకు 3%  డీఏ ఈ ఏడాది జులై  1 నుంచే అమలు‘పీఎం ఆశా’ స్కీమ్​కు 35వేల కోట్లు నాన్​యూరియా ఎరువులకు24,475 కోట్ల సబ్సిడీ