నిజామాబాద్, వెలుగు: పార్లమెంట్ ఎలక్షన్లో ఓటమి ఖాయంగా భావించి బీఆర్ఎస్ సహకారంతో అనూహ్యంగా గెలిచిన ఎంపీ అర్వింద్కు మళ్లీ అహంకారం మొదలైందని డీసీసీ ప్రెసిడెంట్, రాష్ట్ర సహకార యూనియన్ లిమిటెడ్ చైర్మన్ మానాల మోహన్రెడ్డి ఆరోపించారు. ఎన్నికలలో గెలవడానికి డ్వాక్రా సంఘాలకు ఉద్యోగులతో చేయించిన పైసల పంపిణీ వీడియో రికార్డులు తమ దగ్గర ఉన్నాయని వాటిని ఎలక్షన్ కమిషన్కు అందించబోతున్నామన్నారు. గురువారం ఆయన డీసీసీ ఆఫీస్లో మీడియాతో మాట్లాడారు.
నీతి నిజాయతీని నమ్ముకొని దశాబ్దాల కాలంగా బోధన్ ఎమ్మెల్యే సుదర్శన్రెడ్డి పాలిటిక్స్లో కొనసాగుతున్నారన్నారు. అలాంటి వ్యక్తిపై ఆరోపణలు చేయడం హెచ్చరికలకు పాల్పడడం ఏమిటన్నారు. మంత్రిగా పనిచేసిన కాలంలో సుదర్శన్రెడ్డి మెడికల్ కాలేజీ తెచ్చారని, అలీసాగర్ లిఫ్టు ఇరిగేషన్ నిర్మించి జిల్లా రైతులకు మేలు చేశారన్నారు. జిల్లా డెవలెప్మెంట్ ఆయన రోల్ చాలా ఉందన్నారు. ఒక్క లెటర్ ఇస్తే సెంట్రల్ నుంచి ఫండ్స్ తెస్తానంటున్న అర్వింద్ గడిచిన ఐదేండ్లు ఎంపీగా ఏం చేశారో చెప్పాలన్నారు. ఉర్దూ అకాడమీ చైర్మన్తాహెర్, టీపీసీసీ జనరల్సెక్రెటరీ గడుగు గంగాధర్, నగర పార్టీ ప్రెసిడెంట్ కేశ వేణు, అంతిరెడ్డి రాజిరెడ్డి, నరాల రత్నాకర్, వేణురాజ్ తదితరులు ఉన్నారు.
