లాంగ్ వాయిస్ నోట్స్
ఇకనుంచి వాట్సాప్లో లాంగ్ వాయిస్ నోట్స్ను స్టేటస్ అప్డేట్స్గా పెట్టుకోవచ్చు. ఐఒఎస్, ఆండ్రాయిడ్ యూజర్ల కోసం స్టేటస్ ఫీచర్ కెపాసిటీని పెంచినట్టు బీటా ఇన్ఫో రిపోర్ట్లో ఇచ్చింది వాట్సాప్. దీంతో ఇకపై ఒక నిమిషం నిడివిలో వాయిస్ నోట్స్ షేర్ చేసుకోవచ్చు. వాట్సాప్ కొత్త వెర్షన్లకు అప్డేట్ చేసే యూజర్లు ఇప్పుడు స్టేటస్ అప్డేట్ ద్వారా లాంగ్ ఆడియో మెసేజ్లను రికార్డ్ చేయొచ్చు. అలాగే షేర్ చేయొచ్చు. ఈవెంట్స్, అడ్వర్టైజ్మెంట్స్ వంటివి ఏవైనా30 సెకన్ల కంటే ఎక్కువ టైం పట్టే వీడియోలను షేర్ చేయడానికి ఈ అప్డేట్ తీసుకొచ్చింది.
ఎలా పనిచేస్తుందంటే..
డబ్ల్యూఏ బీటా ఇన్ఫో షేర్ చేసిన స్క్రీన్ షాట్ ప్రకారం, యూజర్లు చాట్లో వాయిస్ నోట్ను పంపుతున్నట్టే మైక్ బటన్ నొక్కి పట్టుకుని వాయిస్ నోట్స్ రికార్డ్ చేయొచ్చు. అదేవిధంగా వాయిస్ నోట్ని క్యాన్సిల్ చేయడానికి స్లయిడ్ కూడా చేయొచ్చు. ఈ కొత్త ఫీచర్ కొంతమంది యూజర్లకు లేటెస్ట్ వాట్సాప్ వెర్షన్తో అందుబాటులో ఉంది. ఆండ్రాయిడ్ యూజర్లు గూగుల్ ప్లే స్టోర్లో అప్డేట్ చూడొచ్చు. ఐఒఎస్ యూజర్లు యాప్ స్టోర్ నుంచి డౌన్లోడ్ చేసుకోవచ్చు. రానున్న రోజుల్లో ఈ ఫీచర్ మరింత మంది యూజర్లకు అందుబాటులోకి రానుంది.
