నిజామాబాద్, వెలుగు: నగరంలోని ఒక ప్రైవేట్ బ్యాంక్లో లోన్ రికవరీ ఆఫీసర్గా పనిచేసే దత్తురెడ్డి మోసానికి పాల్పడ్డాడు. లోన్లపై వాహనాలు కొనుగోలు చేసిన వారి నుంచి కిస్తులు వసూలు చేసి బ్యాంక్లో జమ చేయలేదు. ఈఎంఐలు బాకీ ఉన్నట్లు ఫోన్లకు మెసేజ్లు రావడంతో గురువారం ఆరా తీయడానికి బాధితులు వెళ్లగా విషయం బయటపడింది. నగరంలోని వినాయక్నగర్కు చెందిన విష్ణుప్రసాద్, జక్రాన్పల్లికి చెందిన శ్రీనివాస్, మెంట్రజ్పల్లికి వాసి గంగాదాస్ ప్రైవేట్ బ్యాంకు నుంచి లోన్ తీసుకొని ఆయా వెహికల్స్ కొన్నారు.
రెగ్యూలర్గా వెళ్లి రికవరీ ఆఫీసర్ దత్తురెడ్డికి కిస్తులు డబ్బు చెల్లిస్తున్నారు. ఇలా ఈ ముగ్గురి నుంచి రూ.3 లక్షలకు మించిన డబ్బు మూడు నెలల నుంచి తీసుకొని స్టాంప్లేని రిసిప్ట్ ఇచ్చి పంపుతున్నాడు. వాటిని రుణగ్రహీతలు అసలు రశీదులుగా భావించారు. అయితే మూడు నెలల ఈఎంఐలు డ్యూస్ ఉన్నాయనే మెసేజ్ లు రావడంతో బ్యాంకుకు రాగా ఆయన కనిపించలేడు. చీఫ్ మేనేజర్ సూర్య వద్దకు వెళ్లి కలవగా.. దత్తురెడ్డి పది రోజుల నుంచి రావడం లేదని ఆయన వారికి సమాధానం ఇచ్చారు. రికవరీ ఆఫీసర్గా దత్తురెడ్డి ఎంత మందిని మోసం చేశాడనే విషయాన్ని ఎంక్వయిరీ చేస్తామని బాధితులు ఆందోళన చెందాల్సిన అవసరం లేదని చీఫ్ మేనేజర్ వారికి నచ్చజెప్పారు. ముగ్గురు బాధితులు ఫోర్త్ టౌన్లో ఫిర్యాదు చేశారు.
