యూరోపియన్ స్పేస్ ఏజెన్సీ(ఈఎస్ఏ)కు చెందిన ప్రాజెక్ట్ ఫర్ ఆన్ బోర్డ్ అటానమీ(ప్రోబ్)–3 మిషన్ను ఇస్రో సతీష్ ధావన్ స్పేస్ సెంటర్ నుంచి పోలార్ శాటిలైట్ లాంచ్ వెహికిల్ ద్వారా విజయవంతంగా ప్రయోగించింది. కృత్రిమ సూర్య గ్రహణాన్ని సృష్టించడం ద్వారా సంపూర్ణ సూర్యగ్రహణాలను, కరోనా ఉపరితలాన్ని అధ్యయనం చేయడమే ఈ మిషన్ లక్ష్యం. దీన్ని ఇన్ ఆర్బిట్ డెమొన్స్ట్రేషన్ మిషన్ అంటారు.
ప్రతి 19.7 గంటలకు ఒక్కసారి భూమి చుట్టూ పరిభ్రమించే ఈ ఉపగ్రహాలను భూమికి 600 కిలోమీటర్ల దూరం(పెరీజి)లో 60,530 కిలోమీటర్ల దూరం(అపాజీ)లో దీర్ఘ వృత్తాకార కక్ష్యలో ప్రవేశపెట్టాల్సి ఉంటుంది.
యూరోపియన్ అంతరిక్ష సంస్థకు చెందిన వేగా–సి రాకెట్కు అంతటి సామర్థ్యం లేకపోవడం, ఏరియన్–6 రాకెట్ ఖర్చు ఎక్కువగా ఉండటంతో ప్రయోగానికి ఇస్రోను ఈఎస్ఏ ఎంపిక చేసుకున్నది. ప్రోబా–3 మిషన్లో రెండు ఉపగ్రహాలు ఉన్నాయి.
కరోనా గ్రాఫ్ స్పేస్ క్రాఫ్ట్ (సీఎస్సీ): కరోనాపై అధ్యయనం చేస్తుంది. దీని బరువు 340 కిలోలు.
ఆక్యుల్జర్ స్పేస్ క్రాఫ్ట్(ఓఎన్సీ): సూర్యకాంతిని అడ్డుకోవడానికి కరోనాగ్రాఫ్ స్పేస్క్రాఫ్ట్కు సుమారు 150 కిలోమీటర్ల దూరంలో ఉంటుంది. దీని బరువు 200 కిలోగ్రాములు.
భూమి చుట్టూ కక్ష్యలో పరిభ్రమించేటప్పుడు ఈ రెండు ఉపగ్రహాలు ఒక దానికొకటి కేవలం 144 మీటర్లు ఎడంగా ఉంటాయి.
ప్రోబా –3 రెండేండ్లు పనిచేసే జంట శాటిలైట్ల వ్యవస్థ. ఇది సోలార్ అబ్జర్వేషన్ టెక్నాలజీతో పనిచేస్తుంది.
