ఇవ్వాళరేపు ఎక్కువమంది చేతిలో స్మార్ట్ ఫోన్ లేని క్షణాన్ని ఊహించుకోవడం కష్టమే. అంతలా అలవాటు పడిపోయారు జనం. ఫోన్తో అవసరం ఉన్నా, లేకపోయినా దాన్ని మాత్రం వదలట్లేదు. అయితే, ‘గ్లోబల్ మేనేజ్మెంట్ కన్సల్టింగ్ ఫర్మ్’ స్మార్ట్ ఫోన్ వాడకంపై చేసిన సర్వేలో కొన్ని ఆసక్తికర విషయాలు తెలిశాయి. ఆ సర్వేలో భాగంగా దాదాపు వెయ్యి మంది స్మార్ట్ ఫోన్ యూజర్లను అడిగి తెలుసుకున్న వివరాలు ఇవి..
దాదాపు 50 శాతం మంది ఫోన్ చేతిలోకి తీసుకుంటున్నాం అనే విషయం తెలియకుండానే తీసుకుంటున్నారట.
స్మార్ట్ ఫోన్ యూజర్లు రోజులో 70 నుంచి 80 సార్లు ఫోన్ చేతిలోకి తీసుకుంటున్నారు.
50శాతం మంది ఎందుకు ఫోన్ ఓపెన్ చేస్తున్నారో కూడా తెలియకుండానే ఓపెన్ చేస్తున్నారు.
45 నుంచి 50 శాతం మందికి మాత్రం తాము ఫోన్ను ఎందుకు వాడుతున్నారో క్లారిటీ ఉంది.
మనదేశంలో 50 నుంచి 55 శాతం స్మార్ట్ ఫోన్ యూజర్లు యాప్స్ వాడుతున్నారు. వాటిలో వీడియో స్ట్రీమింగ్, షాపింగ్, ట్రావెల్, జాబ్స్కు సంబంధించినవి ఎక్కువగా ఉన్నాయి.
టెక్నాలజీలో వస్తున్న మార్పుల వల్ల స్మార్ట్ఫోన్లో ఆర్టిఫిషియల్ ఇంటెలిజెన్స్ వాడకం పెరిగింది. అందువల్ల యూజర్లు ఫోన్తో ఉండే టైం మరింత పెరిగే అవకాశం ఉంది’ అంటున్నారు
ఎక్స్పర్ట్స్.
