బోధన్, వెలుగు: బీజేపీ, బీఆర్ఎస్ నాయకులు చెప్పే మాటలు నమ్మి మోసపోవద్దని ఎమ్మెల్యే పి. సుదర్శన్ రెడ్డి సూచించారు. శుక్రవారం బోధన్మండలంలోని ఊట్పల్లి, అమ్దాపూర్, శక్కర్నగర్, ఫాండుఫారం గ్రామాల్లో ఎన్నికల ప్రచారం నిర్వహించారు. బీజేపీ, బీఆర్ఎస్ పార్టీలో పదేండ్లు పరిపాలన చేసినా ఎలాంటి అభివృద్ధి చేయలేదని విమర్శించారు. కాళేశ్వరం పేరుతో లక్షల కోట్లు దోచుకున్నారని ఆరోపించారు.
కాంగ్రెస్ ప్రభుత్వం ఇచ్చిన మాట ప్రకారం ఆరుగ్యాంటీలు అమలు చేయడానికి సిద్ధంగా ఉన్నట్లు తెలిపారు. ఇప్పటికే ఐదు గ్యారంటీలు అమలు చేస్తున్నామని తెలిపారు. కాంగ్రెస్ పార్టీ అభ్యర్థి జీవన్ రెడ్డికి ఓటువేసి లక్ష మెజార్టీతో గెలిపించాలని సూచించారు. కార్యక్రమంలో ఉర్దూ అకాడమిక్ చైర్మన్ తాహెర్ బిన్ హందాన్, పీసీసీ డెలిగేట్ గంగా శంకర్, కాంగ్రెస్ పార్టీ మండల అధ్యక్షుడు నాగేశ్వరావు, నాయకులు సంజీవరెడ్డి, నరేందర్ రెడ్డి, టప్పా సాయిలు తదితరులు పాల్గొన్నారు.
