కామారెడ్డి టౌన్, వెలుగు : ఆన్లైన్ మోసాల పట్ల ప్రజలు అప్రమత్తంగా ఉండాలని కలెక్టర్ జితేశ్వీ పాటిల్ పేర్కొన్నారు. ప్రపంచ వినియోగదారుల హక్కుల దినోత్సవం సందర్భంగా శుక్రవారం కలెక్టరేట్లో సివిల్సప్లయ్ఆధ్వర్యంలో ఏర్పాటు చేసిన ప్రోగ్రామ్లో ఆయన మాట్లాడుతూ..
వినియోగదారుల రక్షణకు ప్రభుత్వం 2019లో చట్టం తీసుకొచ్చిందన్నారు. వస్తువులు కొనుగోలు చేసేటప్పుడు తప్పనిసరిగా బిల్లులు తీసుకోవాలన్నారు. డీఎస్వో మల్లికార్జున్బాబు, ఫుడ్ ఇన్స్పెక్టర్ సునీత, డీఏవో భాగ్యలక్ష్మి పాల్గొన్నారు.
నిజామాబాద్ సిటీ : వినియోగదారుల హక్కుల పరిరక్షణకు సంబంధిత శాఖల అధికారులు కృషి చేయాలని అడిషనల్ కలెక్టర్ కిరణ్ కుమార్ సూచించారు. ప్రపంచ వినియోగదారుల హక్కుల దినోత్సవాన్ని పురస్కరించుకుని కలెక్టరేట్లో నిర్వహించిన కార్యక్రమంలో ఆయన పాల్గొన్నారు. వినియోగదారు తన హక్కులు, బాధ్యతలను తెలుసుకున్నప్పుడే నాణ్యమైన వస్తువులు, సంతృప్తికర సేవలు అందుతాయన్నారు.
అనంతరం ఆర్మూర్ మండల వినియోగదారుల సంఘం ముద్రించిన పాంప్లెంట్స్ను ఆవిష్కరించారు. డీఎస్ఓ చంద్రప్రకాశ్, సివిల్ సప్లయ్ డీఎం జగదీశ్, డీఈఓ దుర్గాప్రసాద్, జిల్లా వైద్యారోగ్య శాఖ అధికారి డాక్టర్ సుదర్శనం, తూనికలు, కొలతల శాఖ అధికారి నిర్మల్ కుమార్ పాల్గొన్నారు.
