- సీఐటీయూ, ఐఎఫ్టీయూ డిమాండ్
బోధన్, వెలుగు: మున్సిపల్ కార్మికులపై దాడిచేసిన వారిపై కఠిన చర్యలు తీసుకోవాలని డిమాండ్ చేస్తూ శుక్రవారం మున్సిపల్ ఆఫీసు ముందు సీఐటీయూ, ఐఎఫ్టీయూ ఆధ్వర్యంలో కార్మకులు ధర్నా చేశారు. ఈ సందర్భంగా సీఐటీయూ, ఐఎఫ్టీయూ నాయకులు బి.మల్లేశ్, శంకర్గౌడ్ మాట్లాడారు. ఈనెల 28వ తేదీన ఉదయం పట్టణంలోని గంజ్రోడ్ లో శానిటేషన్ కార్మికులు ఎల్లయ్య, సంతోష్ పారిశుద్ధ్య పనులు చేస్తుండగా వారిపై అదేకాలనీకి చెందిన లక్ష్మణ్, ఆయన భర్య స్వరూప, కుమారుడు కన్ను కర్రలతో దాడి చేశారన్నారు.
కార్మికుడు ఎల్లయ్య చేతిలోని కొడవలిని బలవంతంగా లాక్కోవడంతో అతడి చేతికి గాయాలయ్యాయని తెలిపారు. దాడిచేసిన వారిపై కఠిన చర్యలు తీసుకోవాలని డిమాండ్ చేశారు. అనంతరం మున్సిపల్ ఆఫీసు నుంచి బోధన్ పోలీస్ స్టేషన్ వరకు ర్యాలీగా వెల్లి సీఐ వీరయ్యకు వినతిపత్రం అందించారు. మున్సిపల్ జవాన్లు గోపి, గాబ్రియల్, ఎం. గంగారాం, బి.రాజు, కార్మికులు గంగామణి, సాయమ్మ, పోశెట్టి, జి.సాయిలు పాల్గొన్నారు.
