చాట్ జీపీటీ అనేది ఆర్టిఫిషియల్ ఇంటెలిజెన్స్తో పనిచేసే చాట్బాట్ అని తెలిసిందే. ఇది .. బ్రౌజ్, విజన్, డేటా అనాలసిస్ అనే మరిన్ని కొత్త ఫీచర్స్తో రెడీ అయింది. ఫ్రీ టైర్లో వాడుతున్న వాళ్లు ఫైల్ అప్లోడ్ చేసే అవకాశముంది. అంటే.. చాట్జీపీటీ యూజర్లు ఫైల్స్ అప్లోడ్ చేసి, దాన్ని సమ్మరైజ్ చేయమని ఏఐ పవర్డ్ చాట్బాట్ని అడగొచ్చు. అలాగే ఫైల్ని రీఫ్రేజ్ చేసి ఇవ్వమనొచ్చు. ఇలాంటి కొన్ని సౌకర్యాలు ఉన్నాయి. అది కూడా ఒక నిమిషంలోపే! అదెలా సాధ్యం?
బ్రౌజర్ లేదా మొబైల్ డివైజ్లో చాట్జీపీటీ ఓపెన్ చేసి లాగిన్ కావాలి. ఫ్రీగా చాట్జీపీటీ బేసిక్ ఫీచర్లు వాడుతున్నవాళ్లు వీటిని వాడొచ్చు. కొత్త చాట్ మొదలుపెట్టి లేదా ఓపెన్ చేసిన దాంట్లోనే ‘పేపర్ క్లిప్’ ఐకాన్ మీద క్లిక్ చేయాలి. అప్పుడు కొత్త మెను ఓపెన్ అవుతుంది. దాంతో ఏఐ పవర్డ్ చాట్బాట్ నుంచి గూగుల్ డ్రైవ్ లేదా మైక్రోసాఫ్ట్ ఒన్ డ్రైవ్కి కనెక్ట్ అవ్వొచ్చు. దాంతో కంప్యూటర్లోని ఫైల్ని అప్లోడ్ చేయాలి. డాక్యుమెంట్ ఎక్కుడుంది? అనే దానిపై అది ఆధారపడి ఉంటుంది. కాబట్టి ఆప్షన్ ఎంచుకుని, చాట్జీపీటీలో ఫైల్ అప్లోడ్ చేయాలి.
ఒకసారి అప్లోడ్ చేశాక, టెక్స్ట్ బాక్స్కి వెళ్లి ఆ ఫైల్ ద్వారా ఏం తెలుసుకోవాలి అనుకుంటున్నారో చాట్జీపీటీకి చెప్పాలి. అప్పుడు చాట్బాట్ కావాల్సిన సమాధానాన్ని రెండు సెకండ్లలో కళ్ల ముందు ఉంచుతుంది. ఉదాహరణకు, ‘సమ్మరైజ్ ది ఫైల్’, ‘షో ఇంపార్టెంట్ పాయింట్స్ ఫ్రమ్ ద ఫైల్ ఇన్ బుల్లెట్ పాయింట్స్’ అని చాట్జీపీటీకి చెప్తే... ఆ పని చేసి పెడుతుంది. అంతేకాదు, పెద్దగా ఉండే పీడీఎఫ్ ఫైల్స్ను కూడా డీల్ చేయగలదు ఓపెన్ఏఐ చాట్బాట్. చాట్జీపీటీనే కాదు మైక్రోసాఫ్ట్ కో–పైలట్, గూగుల్ జెమిని యూజర్లు కూడా అటాచ్ ఫైల్స్, ఆస్క్ క్వశ్చన్స్ ఆప్షన్లను ఫ్రీగా వాడొచ్చు.
