- గంటకు తొలి రౌండ్
- 9 గంటల్లో పూర్తి రిజల్ట్
- కౌంటింగ్కు 112 టేబుళ్లు
యాదాద్రి, వెలుగు : భువనగిరి -లోక్సభ నియోజకవర్గ ఓట్ల లెక్కింపునకు రంగం సిద్ధమైంది. 39 మంది అభ్యర్థులు పోటీ చేసిన ఈ స్థానంలో ఈనెల 13న పోలింగ్జరిగిన సంగతి తెలిసిందే. ఆరు జిల్లాల్లోని ఏడు అసెంబ్లీ నియోజకవర్గాల్లో విస్తరించిన భువనగిరి లోక్సభ నియోజకవర్గంలోని 2141 పోలింగ్స్టేషన్లు ఉన్నాయి. వీటిలోని 18,08,585 ఓట్లకు 13,88,680 ఓట్లు (76.78 శాతం ) పోలింగ్అయ్యాయి. ఈ నియోజకవర్గానికి చెందిన కౌంటింగ్యాదాద్రి జిల్లా భువనగిరిలో జరుగనుంది. దీనికి సంబంధించిన అన్ని ఏర్పాట్లను ఆఫీసర్లు కంప్లీట్ చేస్తున్నారు.
జూన్4న ఉదయం 5.30 గంటలకు ఎన్నికల్లో పోటీ చేసిన అభ్యర్థులు, ఏజెంట్ల సమక్షంలో ఈవీఎంలు భద్రపరిచిన స్ట్రాంగ్ రూం తెరుస్తారు. ఎన్నికల కమిషన్ఆదేశాల మేరకు ఉదయం 8 గంటలకు పోస్టల్బ్యాలెట్తోపాటు ఈవీఎంల్లో ఓట్ల లెక్కింపు ప్రారంభిస్తారు. కౌంటింగ్మొదలైన గంటకు తొలి రౌండ్ ఫలితంవెలువడనుంది. ఆ తర్వాత అరగంటకు రౌండ్చొప్పున మొత్తంగా 9 గంటల్లో రిజల్ట్వచ్చే అవకాశాలు ఉన్నాయి.
కౌంటింగ్కు 112 టేబుల్స్..
ఏడు అసెంబ్లీల్లో పోలైన ఓట్లను కౌంటింగ్చేయడానికి మొత్తం 112 టేబుల్స్ఏర్పాటు చేస్తున్నారు. ఇబ్రహీంపట్నం నియోజకవర్గంలో 20 టేబుల్స్ఏర్పాటు చేస్తుండగా మునుగోడు, తుంగతుర్తిలో 18 టేబుల్స్చొప్పున ఏర్పాటు చేస్తున్నారు. నకిరేకల్, ఆలేరు, భువనగిరి, జనగామ నియోజకవర్గాలకు సంబంధించి 14 టేబుల్స్చొప్పున ఏర్పాటు చేస్తున్నారు.
ఓట్ల లెక్కింపు కోసం టేబుల్కు ముగ్గురు చొప్పున 336 మంది స్టాఫ్తోపాటు అదనంగా మరో 72 మందిని ఎంపిక చేశారు. నియోజకవర్గంలో పోస్టల్బ్యాలెట్లో 13,792 ఓట్లు పోలయ్యాయి. ఈ ఓట్ల లెక్కింపు కోసం 14 టేబుల్స్, సర్వీస్ ఓట్ల కోసం 7 టేబుల్స్ సిద్ధం చేస్తున్నారు. 21 టేబుల్స్ కోసం ఒక్కోదానికి నలుగురు స్టాఫ్ చొప్పున 84 మంది స్టాఫ్ను ఎంపిక చేశారు.
అన్ని ఏర్పాట్లు పూర్తి చేశాం
కౌంటింగ్ ప్రక్రియకు సంబంధించి అన్ని ఏర్పాట్లు పూర్తి చేశాం. పోలింగ్స్టాఫ్కు రెండుమార్లు ట్రైనింగ్ ఇచ్చాం. పోస్టల్బ్యాలెట్ కోసం ఈసారి ప్రత్యేక హాల్ ఏర్పాటు చేశాం. సమయం వృథా కాకుండా ఈవీఎంలతోపాటు పోస్టల్బ్యాలెట్ కౌంటింగ్కొనసాగుతుంది.
-హనుమంతు జెండగే, ఎన్నికల అధికారి
