న్యూఢిల్లీ: జమ్మూకాశ్మీర్‌‌‌‌లోని కుప్వారా జిల్లాలో టెర్రరిస్టులు, భద్రతా బలగాలకు మధ్య భీకర ఎదురుకాల్పులు జరిగాయి. ఈ ఎన్ కౌంటర్లో ముగ్గురు టెర్రరిస్టులు హతమయ్యారు. ఇండియన్ ఆర్మీ, జమ్మూకాశ్మీర్ పోలీసులు సంయుక్తంగా ఈ ఆపరేషన్ చేపట్టారు. టెర్రరిస్టులు చొరబడే అవకాశం ఉందని ఇంటెలిజెన్స్ వర్గాల నుంచి జమ్మూకాశ్మీర్ పోలీసులకు సమాచారం అందింది.
ఈ క్రమంలో ఆర్మీ, జమ్మూకాశ్మీర్ పోలీసులు సంయుక్తంగా ఆపరేషన్ లాంచ్ చేశారు. కుప్వారా, మచల్ ప్రాంతాల్లో ఆగస్టు 28–29 మధ్య రాత్రి చొరబాటుదార్లను అడ్డుకోవడానికి ప్రయత్నించారు. అనుమానాస్పదంగా కనిపించడంతో కాల్పులు జరిపి ఇద్దరు టెర్రరిస్టులను మట్టుబెట్టారు. కుప్వారాలోని తంగ్ ధర్లో చొరబడేందుకు ప్రయత్నించిన మరొక టెర్రరిస్టును కాల్చివేశారు.
