ఇటాలియన్ ఐలాండ్లో జంతువుల సంఖ్య రోజురోజుకీ పెరిగిపోతోంది. దీంతో ఆ ఐలాండ్ మేయర్ రిక్కర్డొ ఒక ప్లాన్ వేశారు. యానిమల్ ఓవర్ పాపులేషన్ ప్రాబ్లమ్కి చెక్ పెట్టేందుకు కనీవినీ ఎరుగని ఆఫర్ ఒకటి ప్రక టించాడు. ఆ ఆఫర్ తెలిస్తే ఔరా! అనాల్సిందే ఎవరైనా.
‘సిసిలీ ఎయొలియన్ ఆర్కిపెలాగో’ ద్వీపానికి మేయర్ రిక్కర్డొ గుల్లొ. ఇదో చిన్న ఐలాండ్. ఇక్కడి మనుషుల కంటే అడవి మేకల జనాభా బాగా పెరగడంతో ‘అడాప్ట్–ఎ–గోట్’ ప్రోగ్రామ్ మొదలుపెట్టాడు మేయర్. మేకల్ని దత్తత తీసుకోవాలి అనుకున్న వాళ్లు ప్రభుత్వానికి ఇ–మెయిల్ చేసి,17 డాలర్ల ‘స్టాంప్ ఫీజు’ కట్టాలి. అలా కోరుకున్నన్ని మేకల్ని దత్తత చేసుకోవచ్చు. మేక కోసం రిక్వెస్ట్ పెట్టే వాళ్లు రైతులే కానక్కర్లేదు. ఆసక్తి ఉన్న వాళ్లు ఎవరైనా తీసుకోవచ్చు.
ఈ పథకం ప్రస్తుతం ఏప్రిల్ 10 వరకు మాత్రమే అందుబాటులో ఉంది. అయితే ఆ గడువు పొడిగించే అవకాశం కూడా ఉందన్నారు కొందరు ప్రభుత్వ అధికారులు. దత్తత తీసుకోవాలనుకున్న వాళ్లు వాటిని తినడానికి కాకుండా.... పెంచుకోవడానికి ప్రయత్నిస్తే చూడాలనుకుంటుందట ఆ ఐలాండ్ ప్రభుత్వం. ఈ ద్వీపంలోని మేకల మంద సుమారు 20 ఏండ్ల కింద మొదలైంది. మేకల్ని మేపడానికి ఇక్కడికి తీసుకొస్తే అవి మంద నుంచి తప్పిపోయి అడవి మేకలుగా మారాయి. ఆసక్తికరమైన విషయం ఏంటంటే... మేకలు ఈ ద్వీపానికి టూరిస్ట్ అట్రాక్షన్గా మారడం. అంతవరకు బాగానే ఉంది కానీ ఆ అడవి మేకల సంఖ్య బాగా ఎక్కువైపోయి, తోటలు, ఇళ్లపై దాడి కూడా చేస్తున్నాయట.
