లింగంపేట, వెలుగు : లింగంపేట మండలం కొర్పోల్ గ్రామానికి చెందిన పలువురు టెన్త్ స్టూడెంట్లను ఆదివారం ప్రేరణ స్వచ్ఛంద సంస్థ ప్రతినిధులు సత్కరించారు. పదో తరగతిలో ఉత్తమ మార్కులు సాధించిన కర్రోళ్ల చిత్రలేఖ (9.2) పర్శం రాకేశ్(9.2) అనే స్టూడెంట్లకు శాలువాలు కప్పి సత్కరించారు. ఈ సందర్భంగా ప్రేరణ ఎడ్యుకేషన్ అండ్ వెల్ఫేర్ సొసైటీ జనరల్ సెక్రటరీ సారిక మాట్లాడుతూ..
కేవలం విద్య వల్లనే మనుషుల జీవితాలు వృద్ధి చెందుతాయన్నారు. ఉత్తమ ప్రతిభ కనబర్చిన స్టూడెంట్లు ఉన్నత చదువులు చదివి సమాజానికి సేవ చేయాలని సూచించారు. కార్యక్రమంలో ప్రేరణ ఎడ్యుకేషన్ అండ్ వెల్పేర్ సొసైటీ సభ్యులు లక్ష్మీనారాయణ, రాములు, సత్యనారాయణ తదితరులు పాల్గొన్నారు.
