డిస్నీ కార్టూన్స్కి ఇప్పటికీ క్రేజ్ తగ్గలేదంటే అతిశయోక్తి కాదు. అందుకు ఈ ఇల్లే సాక్ష్యం. మామూలుగా కార్టూన్లంటే ఒక ఊహాప్రపంచం. అందులో ఎన్నో వింతలు, విశేషాలు కనిపిస్తాయి. దానిలో ఎంతో అందమైన దృశ్యాలు కూడా ఉంటాయి. అందుకే ఆ కార్టూన్లను మళ్లీ మళ్లీ చూసినా బోర్ కొట్టదు. దాంతో ఎక్కువగా అభిమానించే వాళ్లు ఎక్కువసార్లు చూడడమే కాదు.. డిస్నీ థీమ్తో ఉన్న వస్తువుల్ని కూడా ఇష్టపడుతుంటారు.
అయితే, ఇక్కడ అభిమానం ఎల్లలు దాటింది. వేల్స్కు చెందిన ఒక డిస్నీ ఫ్యాన్.. తన ఇంటిని మొత్తం డిస్నీ థీమ్తో నింపేశాడు. అందులో కార్టూన్లు, పాత్రలు, పాటల లిరిక్స్, లొకేషన్స్.. ఇలా ఒక్కటి కూడా వదిలిపెట్టకుండా మొత్తం ఊహాప్రపంచాన్ని కళ్లముందుకు తెచ్చేశాడు. ఆ ఇంట్లో ఏ వైపు చూసినా డిస్నీ థీమ్ కనిపిస్తుంది. అయితే, దాన్ని రెంట్కి ఇచ్చే ఆయన తనకు డిస్నీ మీద ప్రేమతోనే ఇలా డిజైన్ చేయించాడట.
తనలాగే డిస్నీ ఫ్యాన్ అయిన వాళ్లు దీన్ని రెంట్కి తీసుకుంటారు అనుకున్నారు. అనుకున్నట్టే ఒక వీరాభిమాని ఆ ఇంటిని రెంట్కి తీసుకుంది. దాదాపు ఆమె లైఫ్ అంతా అక్కడే గడిపింది. అయితే ప్రస్తుతం ఆ ఇల్లు ఖాళీగా ఉంది. అందుకని ఆ ఇంటిని ఫొటోలు తీసి ఇంటర్నెట్లో అప్లోడ్ చేశాడు. డిస్నీ హోమ్ కావాలంటే సంప్రదించమని చెప్పాడు. దీంతో ఆ ఇంటి ఫొటోలు చూసిన పబ్లిక్ అవాక్కవుతున్నారు.
