ఉక్రెయిన్పై రష్యా మొదలుపెట్టిన యుద్ధం వల్ల ఇప్పటి వరకు రష్యా సైన్యం భారీగా ప్రాణనష్టాన్ని ఎదుర్కొంది. 2022 ఫిబ్రవరిలో మొదలైన ఈ వార్తో ఇప్పటివరకు 7 లక్షల మంది రష్యా సైనికులు మృతి చెందారని బ్రిటన్ రక్షణ విభాగం ప్రకటించింది. యుద్ధం స్టార్టయినప్పటి నుంచి చూస్తే గత నెల అక్టోబర్లో ఈ సంఖ్య భారీగా ఉందని తెలిపింది.
మాస్కో: రష్యా, ఉక్రెయిన్ మధ్య యుద్ధం కొనసాగుతూనే ఉంది. దాడులు, ప్రతిదాడులతో రెండు దేశాల్లో తీవ్ర ప్రాణ, ఆస్తి నష్టం వాటిల్లుతోంది. తాజాగా ఆదివారం రష్యాపైకి ఉక్రెయిన్ ప్రతీకార దాడికి దిగింది. రష్యా రాజధాని మాస్కోకు సమీపంలోని పలు ప్రాంతాలపై 34 డ్రోన్లతో అటాక్ చేసింది. ఈ విషయాన్ని రష్యా అధికారులు వెల్లడించారు. ఉక్రెయిన్ దాడులు వల్ల మాస్కో సమీప జిల్లాలైన రామెన్స్కోయ్, కొలోమెనెస్కీలో పలువురికి గాయాలయ్యాయని తెలిపారు. గాయపడ్డవారిని హాస్పిటల్కు తరలించామన్నారు.
ఉక్రెయిన్ దాడుల కారణంగా మాస్కోలోని డొమోడెడోవో, షెరెమెట్యోవో ఎయిర్పోర్టులను తాత్కాలికంగా మూసివేశామని, ఎలాంటి ప్రాణనష్టం సంభవించలేదని వారు పేర్కొన్నారు. కాగా, రెండేండ్లుగా ఉక్రెయిన్పై రష్యా దాడులతో విరుచుకుపడుతున్నది. రెండురోజుల కింద 145 డ్రోన్లతో రష్యా దాడులకు తెగబడిందని ఉక్రెయిన్ చెప్తున్నది. ప్రతీకారంగా తాజాగా ఉక్రెయిన్ అటాక్ చేసినట్లు తెలుస్తున్నది.
