చాలామందికి ఉదయాన్నే కాఫీ సిప్ చేయందే రోజు మొదలు కాదు. అది ఓకే కానీ హెల్త్కి మంచిదేనా అనే డౌట్ ఎప్పుడో ఒకప్పుడు వచ్చే ఉంటుంది. పరగడుపున కాఫీ తాగితే శరీరంలో సహజంగా విడుదలయ్యే కార్టిసాల్ హార్మోన్ మీద ప్రభావం పడుతుంది. దానివల్ల రోజంతా ఎనర్జీ లేనట్టు ఉంటుంది. పరగడుపున కాఫీ తాగొద్దు అనేందుకు మరో రీజన్... రాత్రిళ్లు నిద్రపోయినప్పుడు శరీరం నుంచి లిక్విడ్స్ పోతాయి. ఉదయం లేచేసరికి శరీరం డీ హైడ్రేట్ మోడ్లో ఉంటుంది. కాఫీ ఏమో డైయూరెటిక్. దాంతో పరగడుపున తాగే కాఫీ వంట్లో ఉన్న లిక్విడ్స్ ఇంకిన్నింటిని బయటకు పంపిస్తుంది. దాంతో మరింత డీహైడ్రేట్ అవుతుంది శరీరం.
ఓహో... ఉదయం తాగే కాఫీ వల్ల జరిగే మంచి ఏమీ లేదా అయితే! అలాగని కాఫీ పడకపోతే ఇంజిన్ నడవదు కదా... అంటున్నారా? అన్నిటికీ ఉపాయాలు ఉన్నట్టే హెల్దీగా కాఫీ తాగేందుకు కూడా ఒక మార్గం చెప్తున్నారు న్యూట్రిషనిస్ట్లు. వాళ్లు చెప్పినట్టు తాగితే కాఫీ మీ శరీరానికి మేలు చేస్తుందట!
- ఉదయం నిద్ర లేవగానే పరగడుపున కాఫీ తాగడం మానేయాలి. కాఫీ సిప్ చేయడానికి ముందు కొన్ని నట్స్ తినాలి. దానివల్ల శరీరానికి కావాల్సిన పోషకాలు అందుతాయి.
- కాఫీలో పాలకు బదులుగా వే ప్రొటీన్ కలుపుకుని తాగాలి. ఇది రుచిగా ఉంటుంది. పాలలా కాకుండా తేలికగా అరిగిపోతుంది. అంతేకాదు జీవక్రియలకు హెల్దీ బూస్ట్ ఇస్తుంది.
- అన్ఫ్లేవర్డ్ కొల్లాజెన్ను కలుపుకుంటే కాఫీలో పోషక విలువలు పెరుగుతాయి. ఇది సింపుల్గా, ఎఫెక్టివ్గా రోజును మొదలుపెట్టేందుకు కిక్ స్టార్ట్ ఎలిమెంట్ ఇది.
- పాల కాఫీ తాగం.. బ్లాక్ కాఫీ తాగుతాం అనేవాళ్లకు కూడా కొన్ని టిప్స్ చెప్పారు. అవేంటంటే ... బ్లాక్ కాఫీలో కొన్ని నిమ్మ రసం చుక్కలు, చిటికెడు దాల్చిన చెక్క పొడి కలుపుకోవాలి. దీనివల్ల కాఫీకి మంచి ఫ్లేవర్ వస్తుంది.
- కాఫీ, బ్రేక్ఫాస్ట్ కలిపి తీసుకుంటే ఒక మీల్ అయిపోతుంది అనుకునేవాళ్లు. ఫ్రోజెన్ అరటిపండు ముక్కలు కలిపి కాఫీ తాగితే న్యూట్రిషియస్ కేఫె లాట్టె అవుతుంది. ఇది రోజంతా శక్తిని ఇస్తుంది.
