కరీంనగర్ క్రైం,వెలుగు: కరీంనగర్ కమిషనరేట్ కి నూతనంగా 349 మంది కానిస్టేబుళ్లను కేటాయించగా శనివారం విధుల్లో చేరారు. సివిల్ కానిస్టేబుళ్లు పురుషులు- 150 మంది, మహిళలు -86 , ఏఆర్ కానిస్టేబుళ్లు పురుషులు- 95, మహిళలు 18 మంది విధుల్లో చేరారు. ఈ సందర్భంగా కమిషనరేట్ పరేడ్ గ్రౌండ్‌‌‌‌‌‌‌‌‌‌‌‌‌‌‌‌లో ఏర్పాటు చేసిన సమావేశంలో సీపీ అభిషేక్ మహంతి మాట్లాడుతూ.. ట్రైనింగ్ లో నేర్చుకున్న అంశాలన్నీ విధుల్లో ఆచరించాలన్నారు.
క్రమశిక్షణ తప్పనిసరి అలవర్చుకోవాలన్నారు. కార్యక్రమంలో అడిషనల్ డీసీపీ ఏ.లక్ష్మీనారాయణ ,ఏవో మునిరామయ్య, ఏసీపీలు శ్రీనివాస్ , విజయకుమార్ ఆర్ఐలు రజినీకాంత్ , జానీమియా, కుమారస్వామి , శ్రీధర్ రెడ్డి పాల్గొన్నారు.
