- రూ.700 కోట్లతో నల్గొండ చుట్టూ ఔటర్ రింగ్ రోడ్డు
- రూ.450 కోట్లతో తాగునీటి సమస్య పరిష్కారం
- టీసీఎస్ కంపెనీతో ఐటీ టవర్లో ఉద్యోగాలు
- స్కిల్ డెవలప్మెంట్ సెంటర్ పనులు షురూ
- త్వరలో క్యాన్సర్ఆస్పత్రి ఏర్పాటు
నల్గొండ, వెలుగు : నీలగిరి మున్సిపాలిటీ అభివృద్ధికి నిధుల వరదొచ్చింది. కాంగ్రెస్ సర్కార్అధికారంలోకి వచ్చిన వంద రోజుల్లోనే జిల్లా మంత్రి కోమటిరెడ్డి వెంకట్రెడ్డి తన నియోజకవర్గానికి సుమారు రూ.700 కోట్ల పనులు శాంక్షన్ చేయించారు. మొత్తం రూ.1630 కోట్లతో ప్రణాళికలు రూపొందించగా, దాంట్లో రూ.700 కోట్ల పనులకు ప్రభుత్వం ఆమోదం తెలిపింది.
నల్గొండను తెలంగాణలోనే మోడల్నియోజకవర్గంగా తీర్చిదిద్దుతామని మంత్రి కోమటిరెడ్డి తెలిపారు. వచ్చే మూడేళ్లలో నల్గొండ రూపురేఖలు మార్చేవిధంగా ప్రణాళికలు రూపొందించారు. ముఖ్యంగా సామాన్య ప్రజలు, యువకులు, నిరుద్యోగులు, చిరువ్యాపారులు, దళితులు, మైనార్టీలను దృష్టిలో పెట్టుకుని ప్లాన్చేశారు. రోడ్లు తాగునీరు, సొంత ఇల్లు నిర్మాణాలు చేపట్టున్నారు. హైదరాబాద్నగరానికి ధీటుగా నల్గొండ చుట్టూ రూ.700 కోట్లతో ఔటర్రింగ్రోడ్డు నిర్మాణం చేపట్టనున్నారు.
తాగునీరు, అండర్ గ్రౌడ్డ్రైనేజీకి భారీగా నిధులు..
నీలగిరి మున్సిపాలిటీలో 49 వార్డులు, దాదాపు 15 వార్డులు శివారు ప్రాంతాల్లోనే ఉన్నాయి. ఈ వార్డుల్లో తాగునీరు, రోడ్లు, డ్రైనేజీ సమస్య తీవ్రంగా ఉంది. ఈ వార్డులకు ఆనుకుని రియల్ఎస్టేట్వెంచర్లు, గేటెడ్ కమ్యూనిటీలు ఏర్పాటయ్యాయి. వీటిల్లో కనీసం మౌలిక వసతులు కూడా లేకపోవడంతో ప్రజలు ఇబ్బందులు పడుతున్నారు. శివారు ప్రాంతాల్లో తాగునీరు, అండర్గ్రౌడ్డ్రైనేజీ, గ్రామాల్లో మిషన్భగీరథ నీటి సరఫరాలో అవాంతరాలు తొలగించేందుకు రూ.450 కోట్లు కేటాయించారు. ప్రస్తుతానికి రూ.140 కోట్లు శాంక్షన్ చేయగా, మరో రూ.300 కోట్ల పనులకు టెండర్లు పిలవాల్సి ఉంది.
యువతకు ఉపాధి కల్పన..
నల్గొండలో నిరుద్యోగ యువకులు ఉద్యోగాలు, ఉపాధి కల్పించేందుకు ప్రత్యేకంగా ఏర్పాట్లు చేస్తున్నారు. ఇప్పటికే రూ.20 కోట్లతో నల్గొండలో స్కిల్డెవలప్మెంట్సెంటర్నిర్మాణం జరుగుతోంది. అదేవిధంగా గత ప్రభుత్వం రూ.90 కోట్లతో నిర్మించి హడావుగా పడేసిన ఐటీ టవర్లో టీసీఎస్ కంపెనీతో ఒప్పందాలు జరుగుతున్నాయి. మూడు వేల మంది నిరుద్యోగులకు ఉద్యోగాలు కల్పించే విధంగా టీసీఎస్ కంపెనీతో చర్చలు జరుపుతున్నారు.
నల్గొండలో క్యాన్సర్ఆస్పత్రి..
నల్గొండలో క్యానర్ఆస్పత్రి నిర్మాణానికి ప్లాన్ జరుగుతోంది. దాదాపు వంద ఎకరాల విస్తీర్ణంలో క్యాన్సర్ ఆస్పత్రి నెలకొల్పుతామని మంత్రి ప్రకటించారు. ప్రభుత్వ స్థలం కోసం పరిశీలన జరుగుతోంది. జూన్లో కొత్త మెడికల్ కాలేజీ ఓపెన్ కానుంది. ప్రస్తుతం నల్గొండ ప్రభుత్వ ఆస్పత్రిలో కొనసాగుతున్న మెడికల్కాలేజీని అక్కడికి షిఫ్ట్ చేశాక, ఇక్కడున్న ఆస్పత్రిని కార్పొరేట్స్థాయిలో తీర్చిదిద్దేందుకు ప్లాన్చేస్తున్నారు.
రూ.90 కోట్లతో నీలగిరి నిలయం..
రూ.90 కోట్లతో గత బీఆర్ఎస్ ప్రభుత్వం కళాభారతి నిర్మిస్తానని చెప్పి దాటవేసింది. కాగితాలపైనే తప్ప కళాభారతి కార్యరూపం దాల్చలేదు. ఇప్పుడు అదే ప్లేస్లో నీలగిరి నిలయం పేరుతో భారీ భవనాన్ని నిర్మించనున్నారు. దీంట్లో ఫంక్షన్హాల్స్, రెండు వేల సామర్ధ్యం గల డైనింగ్హాల్, కాన్ఫరెన్స్హాల్, సాంస్కృతిక కార్యక్రమాలు నిర్వహించుకునేందుకు ప్రత్యేక ప్రాంగణం, సెంట్రల్ ఏసీతో నిర్మించనున్నారు.
