నల్గొండ జిల్లాలో యూత్​ ఎక్కువ  తాగేశారు.. దొరికేశారు

• యాదాద్రిలో 106,  సూర్యాపేటలో 200 , నల్గొండలో 246  డ్రంకెన్​ డ్రైవ్​ కేసులు 

యాదాద్రి/సూర్యాపేట, వెలుగు : కొత్త సంవత్సరం వేడుకల్లో భాగంగా యువత ఎక్కువ లిక్కర్​ తాగేసి,   ట్రాఫిక్​ ఏసీపీ ప్రభాకర్​ రెడ్డి ఆధ్వర్యంలో నిర్వహించిన డ్రంక్​ అండ్​ డ్రైవ్​లో​ పోలీసులకు దొరికేశారు. దొరికిన వారిలో 18 ఏండ్ల వారు ఇద్దరుండగా 20 నుంచి 40 ఏండ్లలోపు వాళ్లే ఎక్కువగా ఉన్నారు.    యాదాద్రి జిల్లాలోని మూడు ట్రాఫిక్​ పీఎస్​ల పరిధిలో 84 డ్రంక్​ అండ్​ డ్రైవ్​ కేసులు నమోదు కాగా పోలీసులు మరో 22 మందిపై కేసులు నమోదు చేశారు.

రాచకొండ కమిషనరేట్​ పరిధిలో రెండు ట్రాఫిక్​ జోన్లలో మొత్తంగా 619 కేసులు నమోదు అయ్యాయి.   పట్టుబడిన వారిలో లిక్కర్​ ఎక్కువ తాగిన వాళ్లే ఉన్నట్టు బ్రీత్​ ఎనలైజర్​ టెస్టుల్లో బయటపడింది. పట్టుబడిన 106 మందిలో 88 మంది పరిమితికి మించి తాగినట్టు తేలింది.  

సూర్యాపేటలో 200 డ్రంకెన్​ డ్రైవ్​ కేసులు 

సూర్యాపేట : నూతన సంవత్సరం ప్రశాంత వాతావరణంలో నిర్వహించుకునేల చర్యలు తీసుకోవడంతో జిల్లాలో ఎలాంటి ఘటనలు చోటు చేసుకోలేదని  ఎస్పీ సన్ ప్రీత్ సింగ్ తెలిపారు. సూర్యాపేట జిల్లా ప్రజలకు పోలీస్ శాఖ తరపున నూతన సంవత్సర శుభాకాంక్షలు తెలియజేశారు.  ట్రాఫిక్​ రూల్స్​ను అతిక్రమించిన 800 మందిపై,  తాగి వాహనాలు నడుపుతున్న 200 మందిపై కేసులు  నమోదు చేశామన్నారు.   నెంబర్ ప్లేట్ లేకుండా వాహనాలు నడుపుతున్న 89 వాహనాలపై కేసులు నమోదు చేసినట్లు ఎస్పీ తెలిపారు. 

నల్గొండలో  246 మంది

నల్గొండ అర్బన్ :   నల్గొండ జిల్లాలో ప్రజలకు పోలీస్ శాఖ తరపున  ఎస్పీ శరత్ చంద్ర పవార్ శుభాకాంక్షలు తెలిపారు.  జిల్లా వ్యాప్తంగా  31 డిసెంబర్ నాటి అర్ధ రాత్రి మద్యం తాగి వాహనాలు నడుపుతూ 246  పట్టుబడ్డారని చెప్పారు.