అది గుడి అనుకున్నారా లేక పార్కు అనుకున్నారా.. అక్కడ ఉన్నది పరవ శివుడు అనుకున్నారా లేక రాయి అనుకున్నారా.. ఇంకెక్కడా మీ ప్రేమకు చోటు దొరకలేదా.. ప్రపంచంలోనే అత్యంత శక్తివంతమైన కేదార్ నాథ్ ఆలయం ఎదుట ఆ ప్రేమ వ్యవహారాలు ఏంటీ.. మీరు వెళ్లింది గుడికా లేక పార్కుకా.. మీరు, మీ దుస్తులు ఏంటీ అంటూ ఓ జంటపై మండిపడుతున్నారు నెటిజన్లు. ఆ పరమ శివుడి ముందే పరాచకాలు ఆడతారా అంటూ తిట్టిపోస్తున్నారు నెటిజన్లు. పూర్తి వివరాల్లోకి వెళితే...
వైరల్ అవుతోన్న వీడియోను బట్టి చూస్తే.. ఇది కేథార్ నాథ్ ఆలయ ప్రాంగణంలో జరిగినట్టు తెలుస్తోంది. పసుపు రంగు దుస్తులు ధరించి ఓ యువతీ, యువకుడు ఆలయానికి ఎదురుగా నిలబడి నమస్కరిస్తుండగా.. యువతి వెనుక ఉన్న ఓ వ్యక్తి ఆమెకు రింగ్ బాక్స్ ను అందజేస్తారు. ఆమె రింగ్ బాక్స్ తో పక్కనే ఉన్న యువకుడి ముందు మోకరిల్లుతుంది. కొన్ని సెకన్ల తర్వాత ఆ వ్యక్తి ఆమెను చూసి ఆశ్చర్యపోతాడు. ఆమె ప్రపోజల్ ను యాక్సెప్ట్ చేసి, హగ్ చేసుకుంటాడు. ఆ తర్వాత కెమెరాకు ఫొజులిస్తారు. ఇదంతా కూడా చుట్టూ భక్తులు, సందర్శకులు ఉండగానే చోటుచేసుకుంది.
ఈ వీడియో సోషల్ మీడియాలో పోస్ట్ చేయడంతో వెంటనే వైరల్ కావడం ప్రారంభించింది. దీంతో నెటిజన్లు పలు కామెంట్స్ పెడుతూ ఈ వీడియోను మరింత షేర్ చేస్తున్నారు. ఈ ఘటనను కొందరు తేలిగ్గా తీసుకుంటే.. మరికొందరు మాత్రం దీనిపై తీవ్ర ఆగ్రహం వ్యక్తం చేస్తున్నారు. పుణ్య క్షేత్రాలు, దేవాలయాల్లో స్మార్ట్ ఫోన్లను నిషేధించడానికి ఇదీ ఒక కారణమంటూ విమర్శిస్తున్నారు.
https://twitter.com/Ravisutanjani/status/1675117145347481600
