జనాలను ఎంటర్టైన్ చేయడమే వాళ్ల లక్ష్యం. అందుకోసం ఏదో ఒక అంశాన్ని తీసుకుని దానికి కామెడీని యాడ్ చేసి షార్ట్ వీడియోలు చేస్తుంటారు. వాటిని ఇన్స్టాగ్రామ్, యూట్యూబ్లో పోస్ట్ చేస్తుంటారు. పాటలు వింటున్నప్పుడు చాలామందికి.. సింగర్ ఇక్కడ లో పిచ్లో ఎందుకు పాడింది. ఈ బిట్ పాడేటప్పుడు మ్యూజిక్ ఎందుకు ఇలా ఉంది?... ఇలాంటి డౌట్స్ వస్తుంటాయి. అలాంటి అంశాల నుంచి కామెడీ పుట్టించేందుకు ‘విక్కల్స్’ యూట్యూబ్ ఛానెల్ టీమ్ పాటల రికార్డింగ్ సెషన్లను రీ క్రియేట్ చేస్తుంటారు. ఇదొక్కటే కాదు లైఫ్లో జరిగే ఇన్సిడెంట్లలో కామెడీ పాయింట్ని వెతికి దాని మీద రీల్స్ చేస్తుంటారు. అందుకే మిలియన్ల వ్యూస్, లక్షల మంది అభిమానం సొంతం చేసుకున్నారు.
తమిళ సినిమా పాటల్లో వాడిన కొన్ని ట్యూన్స్ని, పదాలను అక్కడ ఎందుకు వాడారు? అనేదానికి కామెడీ సిద్ధాంతాలు చెప్తున్నారు విక్కల్స్ యూట్యూబ్ ఛానెల్ టీమ్ మెంబర్స్. ఈ ఛానెల్ని స్టాండప్ కమెడియన్, థియేటర్ ఆర్టిస్ట్ విక్రమ్ ఉరుల్ విద్యాపతి నడుపుతున్నాడు. వీడియోల్లో కోయంబత్తూరుకు చెందిన తన ఫ్రెండ్స్ హరి మునియప్పన్, సిబి జయకుమార్తోపాటు మరికొంత మంది ఫ్రెండ్స్, ఫ్యామిలీ మెంబర్స్ కనిపిస్తుంటారు. ఛానెల్లో దాదాపు అన్ని రకాల కామెడీ వీడియో షార్ట్స్ని అప్లోడ్ చేస్తున్నారు. కామెడీ రోస్ట్ల నుంచి పేరడీ వీడియోల వరకు అన్ని ఉంటాయి. ప్రస్తుతం ఈ ఛానెల్కు 1.06 మిలియన్ల సబ్స్క్రయిబర్స్ ఉన్నారు.
ముఖ్యంగా పాటల నుంచి కొన్ని సందర్భాలను ఎంచుకుని వాటిని కామిక్ ఎఫెక్ట్‌‌‌‌‌‌‌‌‌‌‌‌‌‌‌‌తో ఊహించి రికార్డింగ్ స్టూడియోలో రీల్స్‌‌‌‌‌‌‌‌‌‌‌‌‌‌‌‌ను చేస్తుంటారు. ఇలాంటి వీడియోలు బాగా వైరల్ అయ్యాయి. దాదాపు సౌత్ ఇండియాలోని చాలా ప్రాంతాల్లో ఈ షార్ట్స్ చూశారు. ‘నిలవై కొండు వా’ పాట రికార్డింగ్ చేసేటప్పుడు ఉన్నికృష్ణన్ బాగా జ్వరంతో ఉండడంతో మెల్లిగా పాడినట్టు ఒక రీల్లో చూపించారు. అది చాలామందికి నచ్చింది. ‘పాల పాలకూర’లో ‘ఆహాన్’ అనే పదం మీద కూడా షార్ట్ వీడియో చేశారు. కంపోజర్ హారిస్ జయరాజ్ సింగర్ హరిహరన్‌‌‌‌‌‌‌‌‌‌‌‌‌‌‌‌కు స్నాక్స్ తినిపిస్తున్నారని అందుకు ఆయన నో చెప్పే ఉద్దేశంతో పాట మధ్యలో ‘ఆహాన్’ అన్నట్టు చూపించారు. ఈ వీడియోకు 11 మిలియన్ల వ్యూస్ వచ్చాయి.
పాటలతోనే వైరల్
విక్రమ్ 2019లో విక్కల్స్ ఛానెల్ పెట్టి, వీడియోలు అప్లోడ్ చేశాడు. కానీ.. పెద్దగా రీచ్ రాలేదు. వీడియోలకు వ్యూస్ వచ్చేవి కాదు. అప్పటికే ఆయన స్టాండప్ కమెడియన్గా చాలామందికి తెలుసు. అయినా.. ఛానెల్కు మాత్రం గ్రోత్ లేదు. 2021లో రీల్స్ చేయడం మొదలుపెట్టాడు. అయినా పెద్దగా వైరల్ కాలేదు. కానీ.. రికార్డింగ్ సెషన్ వీడియోలు చేయడం మొదలుపెట్టగానే వీడియోలు వైరల్ అయ్యాయి. ఛానెల్ గురించి అందరికీ తెలిసింది. ముఖ్యంగా కామెడీ షార్ట్స్ సినిమా అభిమానుల దృష్టిని ఆకర్షించాయి. కాన్సెప్ట్ కొత్తగా ఉండడంతో వీడియోలు చూసినవాళ్లు చాలామంది మెచ్చుకున్నారు. అంతకుముందు చేసిన వీడియోల వ్యూస్ పదివేలకు మించలేదు. షార్ట్స్ వైరల్ అయ్యాక మిలియన్ల వ్యూస్ వచ్చాయి. ‘షార్ట్ వీడియోలు ఇచ్చిన సక్సెస్తో వంద రోజుల పాటు ఇన్‌‌‌‌‌‌‌‌‌‌‌‌‌‌‌‌స్టాగ్రామ్‌‌‌‌‌‌‌‌‌‌‌‌‌‌‌‌లో ప్రతిరోజూ ఒక రీల్‌‌‌‌‌‌‌‌‌‌‌‌‌‌‌‌ను పోస్ట్ చేయాలని నిర్ణయించుకున్నాం. అందుకోసం రకరకాల టెంప్లేట్స్ రెడీ చేసుకున్నాం. దాంతో ఖాళీగా ఉన్నప్పుడల్లా మా ఫ్రెండ్ రికార్డింగ్ స్టూడియోకి వెళ్లి అక్కడ రీల్స్ చేశాం. కానీ.. వాటిని ఎడిట్ చేయడం చాలా కష్టమైంది. అందుకే షూటింగ్కు తక్కువ టైం కేటాయించాం. గంటలోపు షూటింగ్ పూర్తి చేయగల కాన్సెప్ట్‌‌‌‌‌‌‌‌‌‌‌‌‌‌‌‌లనే ఎంచుకున్నాం’ అని రీల్స్ జర్నీ చెప్పుకొచ్చాడు విక్రమ్.
నన్నారే
2007లో విడుదలైన గురు సినిమాలో నన్నారే.. పాట చాలా ఫేమస్ అయ్యింది. ఆ పాటకు చాలామంది స్టేజీల మీద డ్యాన్స్లు చేశారు. అయితే.. అదే పాటకు 90ల్లో యాన్వల్ డేస్ అప్పుడు స్టూడెంట్స్ డ్యాన్స్ చేస్తే ఎలా ఉంటుందో షార్ట్ వీడియో ద్వారా చూపించారు. ఈ వీడియో కూడా బాగా వైరల్ అయ్యింది. దీనికి దాదాపు 25 మిలియన్ల వ్యూస్ వచ్చాయి.
“విక్కల్స్ వీడియోల్లో కులతత్వం, లింగ వివక్ష లాంటి ఎన్నో విషయాలను టచ్ చేశాం. బలమైన థీమ్‌‌‌‌‌‌‌‌‌‌‌‌‌‌‌‌లతో వీడియోలు చేశాం. కానీ.. అవి ఎవరినీ ఉద్దేశించినవి కావు. రికార్డింగ్ వీడియోల ద్వారా తమిళ కంపోజర్లు, సింగర్లను బాధపెట్టడం, కించపరచడం మా ఉద్దేశం కాదు. కేవలం నవ్వుకోవడానికి మాత్రమే అలా చూపించాం”అంటున్నాడు విక్రమ్.
సెలబ్రిటీల సపోర్ట్
విక్కల్స్ టీం కష్టానికి తక్కువ టైంలోనే ఫలితం దక్కింది. వాళ్ల షార్ట్ వీడియోలు తమిళ డైరెక్టర్లు, సింగర్స్ని కూడా ఆకట్టుకున్నాయి. యాక్టర్ ఎస్జే సూర్య, సింగర్స్ జీవీ ప్రకాష్, బెన్నీ దయాల్, స్టాండ్-అప్ కామిక్ ఎస్ఏ అరవింద్ వీళ్ల వీడియోలకు స్పందించారు. ఇన్‌‌‌‌‌‌‌‌‌‌‌‌‌‌‌‌స్టాగ్రామ్‌‌‌‌‌‌‌‌‌‌‌‌‌‌‌‌లో నటుడు సిద్ధార్థ్ లాఫింగ్ ఎమోజీలను వాడి రీల్‌‌‌‌‌‌‌‌‌‌‌‌‌‌‌‌పై రియాక్ట్ అయ్యారు. సంగీత దర్శకుడు దేవా విక్రమ్‌‌‌‌‌‌‌‌‌‌‌‌‌‌‌‌తో రీల్ “చాలా న్యాచురల్గా ఉంద’’ని చెప్పాడు. నటి సిమ్రాన్ తన ఇన్స్టాగ్రామ్ ప్రొఫైల్‌‌‌‌‌‌‌‌‌‌‌‌‌‌‌‌లో రీల్‌‌‌‌‌‌‌‌‌‌‌‌‌‌‌‌ను షేర్ చేసింది. వాస్తవానికి తన షార్ట్ వీడియోలకు ఇంతలా రీచ్ ఉంటుందని విక్రమ్ కూడా ఊహించలేదు. పైగా సెలబ్రిటీలు సపోర్ట్ చేస్తారని అస్సలు అనుకోలేదు.
