లక్నో: యాక్సిడెంట్ అయిన వ్యక్తిని ఆస్పత్రికి తీసుకెళ్లగా.. డాక్టర్లు టెస్ట్ చేసి అప్పటికే చనిపోయిండని చెప్పిన్రు. డెడ్బాడీని పోస్ట్ మార్టం కోసం ప్రభుత్వ ఆస్పత్రికి తరలించగా రాత్రంతా ఫ్రీజర్లో పెట్టిన్రు. పంచనామాకు వచ్చిన పోలీసులు, కుటుంబ సభ్యుల సమక్షంలో పరిశీలిస్తుండగా అతడు కదిలినట్లు గమనించిన్రు. ఈ విషయం డాక్టర్లకు చెప్పడంతో వెంటనే అతడ్ని వార్డులోకి తరలించి ట్రీట్మెంట్ స్టార్ట్ చేసిన్రు. ఈ ఘటన ఉత్తరప్రదేశ్లోని మొరాదాబాద్లో శనివారం జరిగింది. శ్రీకేశ్ కుమార్ అనే వ్యక్తికి బైక్ యాక్సిడెంట్లో గాయాలు కావడంతో బంధువులు శుక్రవారం ఓ ప్రైవేట్ ఆస్పత్రికి తరలించారు. అతడు అప్పటికే చనిపోయాడని తేల్చిన డాక్టర్లు పోస్ట్ మార్టం కోసం సర్కారు దవాఖానాకు తరలించారు.
అక్కడ ఎమర్జెన్సీ మెడికల్ ఆఫీసర్కూడా శ్రీకేశ్ కుమార్చనిపోయాడని కన్ఫామ్ చేయడంతో బాడీని రాత్రంతా దాదాపు 6 గంటల పాటు మార్చురీ ఫ్రీజర్లో ఉంచారు. తెల్లవారుజామున పంచనామాకు పోలీసులు, కుటుంబ సభ్యులు వచ్చినప్పుడు అతను బతికే ఉన్నట్లు గమనించడంతో పెద్ద ప్రమాదం తప్పినట్లైంది. అతడ్ని ఆస్పత్రి వార్డులోకి షిఫ్ట్ చేసి డాక్టర్లు ట్రీట్మెంట్ స్టార్ట్ చేశారు. అతడు ఇంకా కోమాలో ఉన్నాడని తేల్చారు. అయితే, డాక్టర్లు అతడు చనిపోయినట్లు ఎలా చెప్పారనే దానిపై అధికారులు దర్యాప్తు ప్రారంభించారు.
