మెదక్ జిల్లా తూప్రాన్ బాలుర రెసిడెన్షియల్స్ స్కూల్లో దారుణం జరిగింది. పదో తరగతి చదువుతున్న కొంతమంది విద్యార్థులు ... తొమ్మిదో తరగతి విద్యార్థుల పట్ల అమానుషంగా వ్యవహరించారు. అర్దరాత్రి ( సెప్టెంబర్ 1) 12 గంటల సమయంలో తొమ్మిదో తరగతి చదివే ముగ్గురు విద్యార్థులను విచక్షణ రహితంగా చితకబాదారు. పదో తరగతి చదివే ... పది మంది విద్యార్థులు కలిసి నోట్లో గుడ్డలు కుక్కి బూట్లు, రాడ్లతో కొట్టారు. సమాచారం అందుకున్న బాధిత విద్యార్థుల తల్లిదండ్రులు ఈ రోజు ( సెప్టెంబర్ 2) ఉదయం ప్రిన్సిపల్తో గొడవకు దిగారు.
ALSO READ | వాషింగ్ మెషన్ బాగు చేయించలేదని.. ఉరేసుకొని భార్య ఆత్మహత్య
ఘటనకు బాధ్యులైన 10 మంది విద్యార్థులకు టీసీలు ఇచ్చి పంపిస్తామని.. ఈ గొడవ బయటకు పొక్కకుండా ఉండేందుకు ప్రిన్సిపల్ బాధిత విద్యార్థుల తల్లిదండ్రులను కోరుతున్నారని సమాచారం. అయితే రెండు నెలల క్రితమే కళాశాల విద్యార్థులు పదో తరగతి విద్యార్థులపై దాడి చేశారు. తూఫ్రాన్ రెసిడెన్షియల్ స్కూల్లో రెండు నెలల వ్యవధిలోనే రెండు సార్లు విద్యార్థులు ఘర్షణ పడటంతో తల్లిదండ్రులు ఆందోళన చెందుతున్నారు. ప్రిన్సిపల్, ఉపాధ్యాయుల పర్యవేక్షణ లోపం వల్లే కళాశాలలో తరచు గొడవలు జరుగుతున్నాయని తల్లిదండ్రులు వాపోతున్నారు.
