కీసర/దిల్సుఖ్ నగర్ : కీసర మండలం యాదగిరిపల్లి చౌరస్తాలో ఓ ఆటో ట్రాలీలో తరలిస్తున్న 2 కిలోల 200 గ్రాముల పప్పీ స్ట్రా పోలీసులు పట్టుకున్నారు. ఈ డ్రగ్ ను రాజస్థాన్ కు చెందిన కరణ్ సింగ్ రాజ్ పుత్(19), రాకేశ్మంజు బర్ఫీలాల్ (26) తరలిస్తుండగా అదుపులోకి తీసుకున్నారు. నిందితుల కాల్ డేటా ఆధారంగా దర్యాప్తు జరుగుతోందని సీఐ వెంకటయ్య తెలిపారు.
అలాగే కొత్త పేట రైతు బజార్ వద్ద ఉన్న సుజాత బాయ్స్ హాస్టల్ వద్ద గంజాయి అమ్ముతున్న యలమంచ నిరీక్షన్, భూషణగారి వెంకట్ రెడ్డి, మిట్ట బలరామ కృష్ణ, ఎందూరి జోష్ ,చిట్టెపు సాగర్ రెడ్డి అనే ఐదుగురు యువకులను చైతన్యపురి పోలీసులు, ఎల్ బీ నగర్ ఎస్ఓటీ పోలీసులు పట్టుకున్నారు. 80 గ్రాముల గాంజా, మొబైల్ ఫోన్ స్వాధీనం చేసుకున్నారు. యశ్వంత్ అనే వ్యక్తి పరారీలో ఉన్నాడు.
క్వేక్ ఎరినా పబ్ లో 8 మందికి డ్రగ్స్ పాజిటివ్
గచ్చిబౌలి : న్యూఇయర్వేడుకల్లో డ్రగ్స్ ను నియంత్రించడం కోసం టీజీ న్యాబ్ పోలీసులు ముందస్తుగా తనిఖీలు నిర్వహిస్తున్నారు. ఆదివారం రాత్రి కొండాపూర్ మజీద్ బండలోని మాయా కన్వెన్షన్ సెంటర్ లో కొనసాగుతున్న క్వేక్ ఎరినా పబ్లో పియానో ప్లేయర్ బెన్ బూమర్ షో ఏర్పాటు చేశారు. టీజీ న్యాబ్, ఎస్ఓటీ, మాదాపూర్, గచ్చిబౌలి పోలీసులు సోదాలు చేశారు.
ఈ ఈవెంట్లో పాల్గొన్న 25 మందికి డ్రగ్స్ పరీక్షలు చేయగా, ఎనిమిది గంజాయి తీసుకున్నట్టు తేలింది. వారిని గచ్చిబౌలి పోలీసులు అదుపులోకి తీసుకున్నారు. పాజిటివ్వచ్చినవారిలో నలుగురు సాఫ్ట్వేర్ ఎంప్లాయ్స్ఉన్నారు. కాగా వారు పబ్లో గంజాయి తీసుకోలేదని, రెండు మూడు రోజుల కింద తీసుకుని ఉంటారని పోలీసులు తెలిపారు.
