కోల్కతా : బెంగాల్ టీచర్ రిక్రూట్మెంట్ స్కామ్ కేసులో కలకత్తా హైకోర్టు కీలక తీర్పునిచ్చింది. ప్రభుత్వ, ఎయిడెడ్ స్కూళ్లలో 2016లో అపాయింట్ అయిన 36,000 మంది అభ్యర్థుల నియామకాన్ని రద్దు చేయాలని ఉత్తర్వులు ఇచ్చింది. 2014లోని టెట్ ప్రకారం ట్రైనింగ్ తీసుకోని వాళ్లను కూడా అపాయింట్ చేశారని, నియామక ప్రక్రియలో సరైన విధానాన్ని అనుసరించలేదని పేర్కొంది. అందుకే వాళ్లందరి అపాయింట్మెంట్లను రద్దు చేస్తున్నట్లు తెలిపింది. ఈ మేరకు జస్టిస్ అభిజిత్ గంగోపాధ్యాయ శుక్రవారం రాత్రి 17 పేజీల తీర్పును వెలువరించారు. బెంగాల్లో ఈ స్థాయి అవినీతిని తానెన్నడూ చూడలేదని పేర్కొన్నారు.
