హైదరాబాద్: తెలంగాణ వ్యాప్తంగా ఈ నెల (డిసెంబర్) 15, 16వ తేదీల్లో గ్రూప్- 2 పరీక్షలు జరగన్నాయి. గ్రూప్-2 పరీక్షలకు అధికారులు ఇప్పటికే అన్ని ఏర్పాట్లు పూర్తి చేశారు. ఈ క్రమంలో గ్రూప్-2 అభ్యర్థులకు టీజీఎస్ ఆర్టీసీ కీలక సూచన చేసింది. ఎగ్జామ్ నేపథ్యంలో ప్రత్యేక బస్సులు ఏర్పాటు చేసినట్లు తెలిపింది. తెలంగాణ ప్రభుత్వం నిర్వహిస్తున్న గ్రూప్2 ఎగ్జామ్కు వెళ్ళే అభ్యర్థులకు ఎలాంటి ఇబ్బందులు కలగకుండా అన్ని రకాల ఏర్పాట్లు చేసినట్లు పేర్కొంది ఆర్టీసీ.
గ్రేటర్ హైదరాబాద్ పరిధిలో ఉన్న ఎగ్జామ్ సెంటర్లకు వివిధ ప్రాంతాల నుంచి ప్రత్యేక బస్సు సర్వీస్లను ఏర్పాటు చేసినట్లు గ్రేటర్ హైదరాబాద్ ఈడీ వెల్లడించారు. గ్రూప్ 2 పరీక్ష జరగనున్న15, 16 రెండు రోజుల పాటు స్పెషల్ సర్వీస్ ఎగ్జామ్స్ సెంటర్స్ వద్ద అందుబాటులో ఉంటాయని తెలిపారు. పరీక్ష ప్రారంభ సమయానికి ముందు.. పరీక్ష ముగిసిన తర్వాత సమయాల్లో ఈ ప్రత్యేక బస్సులను ఏర్పాటు చేసినట్లు చెప్పారు.
బస్టాప్ల దగ్గర హెల్ప్ డెస్క్ లు ఏర్పాటు చేశామని.. అభ్యర్థులను సందేహాలను నివృత్తి చేసేందుకు హెల్ప్ డెస్క్ ల్లో సూపర్ వైజర్లు అందుబాటులో ఉంటారని వెల్లడించారు. స్పెషల్ బస్ సర్వీసుల వివరాలు తెలుసుకునేందుకు కోఠి, రైతిఫల్ బస్టాండ్లో కమ్యూనికేషన్ సెంటర్లు ఏర్పాటు చేశామని తెలిపారు. గ్రూప్ 2 అభ్యర్థులు ఈ స్పెషల్ బస్ సర్వీసులకు ఉపయోగించుకోవాలని కోరారు.
