రామాయంపేట, వెలుగు: మండలంలోని అక్కన్నపేటలో శుక్రవారం స్టూడెంట్స్ బస్సుల కోసం మెదక్, రామాయంపేట రోడ్డుపై రాస్తారోకో చేశారు. బస్సులు సరిగ్గా రాక కాలేజీ కి సరైన సమయంలో చేరుకోలేక బోధనకు దూరమవుతున్నామని ఆవేదన వ్యక్తం చేశారు. అక్కన్నపేట, ఝాన్సీ లింగాపూర్, ఖాజాపూర్ గ్రామాల స్టూడెంట్స్తరలివచ్చి రోడ్డుపై బైఠాయించి గంటపాటు రాస్తారోకో చేశారు. దీంతో ఇరు వైపులా ట్రాఫిక్ నిలిచిపోయింది. విషయం తెలుసుకున్న ఎస్ఐ బాలరాజు అక్కడకు చేరుకుని వారికి నచ్చచెప్పి ఆందోళన విరవింప చేయించారు.
