షహీన్బాగ్ కాల్పులతో కలకలం సృష్టించిన కపిల్ గుర్జార్ బీజేపీలో చేరారు. పౌరసత్వ సవరణ చట్టానికి వ్యతిరేకంగా ఢిల్లీలోని షహీన్బాగ్లో పెద్ద ఎత్తున నిరవధిక నిరసన జరిగింది. మహిళలు నేతృత్వం వహించిన ఈ నిరసనలో ఢిల్లీ షహీన్ బాగ్ వద్ద కపిల్ గుర్జార్ తుపాకీతో గాలిలో కాల్పులు జరిపాడు. షహీన్బాగ్లో సీఏఏ వ్యతిరేకుల కారణంగా ట్రాఫిక్ పెద్ద ఎత్తున నిలిచిపోయిందని ఆ నిరాశతోనే కాల్పులు జరిపినట్లు చెప్పుకొచ్చాడు. ఇంట్లో తన సోదరి వివాహం పెట్టుకున్నారని, అయితే ట్రాఫిక్ సమస్య కారణంగా పెళ్లి పనులు చేసుకోలేకపోయామని, ఆ నిరాశతోనే నిరసన చేస్తున్న ప్రదేశంలో కాల్పులు జరిపినట్లు ఢిల్లీ పోలీసుల విచారణలో గుర్జార్ చెప్పాడు. కేసు నమోదు చేసుకున్న పోలీసులు దర్యాప్తు ప్రారంభించారు. కేసు విచారణ అనంతరం బెయిల్ పై విడుదలయ్యారు. అయితే తాజాగా గుర్జార్ బీజేపీలో చేరారు. ఈ సందర్భంగా గుర్జార్ మాట్లాడుతూ నేను బీజేపీలో చేరడానికి ఇంతకు ముందే సిద్ధమయ్యాను. బీజేపీనే ఎంచుకోవడానికి కారణం, ఆ పార్టీ దేశాభివృద్దికి కృషి చేస్తుందన్నాడు.
