హైదరాబాద్, వెలుగు: క్రీడలు, యువజన సర్వీసుల విభాగానికి కిందటేడాది కంటే నిధులు తగ్గాయి. ఈసారి రూ.69.52 కోట్ల బడ్జెట్‌ను ప్రతిపాదించారు. దీంట్లో నిర్వహణ పద్దు కింద రూ.63.48కోట్లు, ప్రగతి పద్దు కింద రూ.6.03 కోట్లను కేటాయించారు. అయితే గతేడాది ఈ విభాగానికి రూ.112.63 కోట్ల నిధులు కేటాయించారు. గతేడాది ప్రగతి పద్దు కింద రూ.52.21 కోట్లు కేటాయించిన ప్రభుత్వం.. ఈ సారి కేవలం రూ.6.03 కోట్లు కేటాయించడంతో క్రీడాభిమానులు తీవ్ర నిరాశ చెందుతున్నారు. అయితే ప్రత్యేకంగా క్రీడలకు గతేడాది ప్రగతి పద్దు కింద రూ.4 కోట్లు కేటాయిస్తే, ఈసారి కేవలం రూ.1.20కోట్లు మాత్రమే కేటాయించారు.
