శ్రీరంగాపూర్, వెలుగు: శ్రీ రంగనాథ స్వామి రథోత్సవం ఆదివారం వైభవంగా జరిగింది. ఆలయంలోని గర్భగుడిలోని మూలవిరాట్తో పాటు ఉత్సవ విగ్రహాలకు ఆలయ ధర్మకర్త రాజా కృష్ణదేవరాయలు, రాష్ట్ర ప్రణాళిక సంఘం ఉపాధ్యక్షుడు చిన్నారెడ్డి, ఎమ్మెల్యే మేఘారెడ్డి, ఏఐసీసీ కో ఆర్డినేటర్ జిల్లెల ఆదిత్యా రెడ్డి, డీసీసీ అధ్యక్షుడు రాంజేంద్రప్రసాద్ యాదవ్, భక్తులు, గ్రామస్తులతో కలిసి ప్రత్యేక పూజలు నిర్వహించారు. అనంతరం ఉత్సవ మూర్తులను రథంలో కొలువుతీర్చారు. భక్తులతో కలిసి రథాన్ని లాగి కార్యక్రమాన్ని ప్రారంభించారు. ఆలయ ప్రాంగణం రంగనాథస్వామి నామస్మరణతో మార్మోగింది.
