- 3.8 కిలోమీటర్ల ఈత
- ఆ తర్వాత 180 కిలోమీటర్ల సైక్లింగ్
- 42.2 కిలోమీటర్ల పరుగు
ప్రపంచంలో అత్యంత కష్టమైన ఫీట్లలో ఒకటైన ఐరన్ మ్యాన్ ట్రయథ్లాన్ ఫినిష్ లైన్కి దారి ఇది. దీన్ని రీసెంట్గా బెంగళూరుకి చెందిన 32 ఏండ్ల శ్రేయాస్ జి హౌసర్ సక్సెస్ ఫుల్గా చేరుకున్నాడు. అది కూడా పదమూడు గంటల ఇరవై మూడు నిమిషాల్లోనే.
ఐరన్ మ్యాన్ ట్రయథ్లాన్ వన్ డే స్పోర్ట్. ఏటా జర్మనీలో జరుగుతుంది. ఈ పోటీలో పాల్గొనేవాళ్లు ఫినిష్ లైన్ చేరుకునే వరకు ఒంటరిగానే సర్వైవ్ అవ్వాలి. అంటే సైకిల్ పాడైతే వాళ్లంతట వాళ్లే రిపేర్ చేసుకోవాలి. మధ్యలో గాయాలైనా ఎలాంటి సాయం అందదు. అలాంటి పోటీని రైల్వే ఆఫీసర్ శ్రేయాస్ 13 గంటల ఇరవై మూడు నిమిషాల్లో పూర్తి చేశాడు. ఈ విషయాన్ని మినిస్టరీ ఆఫ్ రైల్వేస్ సోషల్ మీడియాలో పోస్ట్ చేసింది. అయితే ఈ ఫీట్ని సాధించడానికి మూడేండ్లు కష్టపడ్డాడట శ్రేయాస్. రోజూ ఉదయం ఐదున్నరకి లేచి పరుగులు పెట్టాడు. ఆఫీస్ నుంచి తిరిగొచ్చాక గంటల తరబడి మళ్లీ వర్కవుట్ చేశాడు. హెల్దీ డైట్ ఫాలో అయ్యాడు.ఈ ఫినిష్ లైన్ చేరుకోవడానికి సైక్లింగ్ చేస్తున్నప్పుడు శ్రేయాస్ మోకాలికి గాయం కూడా అయింది . అయినా సరే వెనకడుగేయకుండా సక్సెస్ఫుల్గా ఫినిష్ లైన్ చేరుకుని రికార్డు సృష్టించాడు శ్రేయాస్.
