సిద్దిపేట రూరల్, వెలుగు : బతుకమ్మ చీరలు అమ్మేందుకు యత్నించిన ఓ వ్యక్తిపై పోలీసులు కేసు నమోదు చేశారు. పోలీసులు తెలిపిన వివరాల ప్రకారం... చరణ్‌ అనే వ్యక్తి సిద్దిపేట సుడా ఆఫీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కంప్యూటర్‌ ఆపరేటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా పనిచేస్తున్నాడు. గత ప్రభుత్వ హయాంలో పంపిణీ చేయగా మిగిలిన బతుకమ్మ చీరలను అమ్మేందుకు యత్నించాడు. ఇందులో భాగంగా ఒక్కో చీరకు రూ. 20 ఇవ్వాలని సలావుద్దీన్‌, దస్తగిరి అనే వ్యక్తులతో ఒప్పందం చేసుకున్నాడు.
మొత్తం 800 చీరలు అమ్మేందుకు ప్రయత్నిస్తుండగా విషయం తెలుసుకున్న కాంగ్రెస్‌ లీడర్లు సుడా ఆఫీస్‌ వద్దకు వచ్చి ఆందోళనకు దిగారు. సుడా టౌన్‌ ప్లానింగ్‌ ఆఫీసర్‌ వందనం ఫిర్యాదుతో చరణ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో పాటు సలావుద్దీన్‌, దస్తగిరిపై కేసు నమోదు చేసినట్లు త్రీ టౌన్‌ సీఐ విద్యాసాగర్‌ తెలిపారు.
