ఏపీ డిప్యూటీ సీఎంగా బిజీగా ఉంటూనే మరోవైపు కమిట్ అయిన సినిమాలను పూర్తి చేస్తున్నారు పవన్ కళ్యాణ్. ముందుగా ఆయన నుంచి రాబోతున్న చిత్రం ‘హరిహర వీరమల్లు’. రెండు భాగాలుగా రూపొందుతోన్న ఈ మూవీ ఫస్ట్ పార్ట్ షూటింగ్ తుది దశకు చేరుకుంది. ప్రస్తుతం ఫైనల్ షెడ్యూల్ షూటింగ్ జరుగుతోంది.
తాజాగా ఈ షెడ్యూల్‌‌లో పవన్ కళ్యాణ్ జాయిన్ అయ్యారు. ఆయనతో పాటు కీలక పాత్రధారులంతా పాల్గొంటున్నారు. చిత్రంలోని అత్యంత కీలకమైన భారీ సన్నివేశాలను చిత్రీకరిస్తున్నారు. ఈ షెడ్యూల్‌‌తో షూటింగ్ మొత్తం పూర్తి కానుంది. జ్యోతికృష్ణ దర్శకత్వంలో రూపొందుతోన్న ఈ చిత్రంలో చారిత్రాత్మక యోధుడి పాత్రలో పవన్ కనిపించనున్నారు.
నిధి అగర్వాల్ హీరోయిన్‌‌గా నటిస్తోంది. బాబీ డియోల్ కీలక పాత్ర పోషిస్తుండగా, అనుపమ్ ఖేర్, నాజర్, రఘుబాబు ముఖ్య పాత్రల్లో నటిస్తున్నారు. ఏఎం రత్నం సమర్పణలో ఎ దయాకర్ రావు ఈ చిత్రాన్ని నిర్మిస్తున్నారు. ఎంఎం కీరవాణి సంగీతం అందిస్తున్నారు. ‘హరి హర వీర మల్లు’ స్వార్డ్ వర్సెస్ స్పిరిట్‌గా పార్ట్1 ను మార్చి 28న తెలుగు, తమిళ, కన్నడ, మలయాళ, హిందీ భాషల్లో వరల్డ్‌‌వైడ్‌‌గా విడుదల చేస్తున్నారు.
Our Veera Mallu, Powerstar @PawanKalyan garu in action for the final schedule! ?⚔️
— Hari Hara Veera Mallu (@HHVMFilm) December 10, 2024
Here’s a BTS Picture from the sets of #HariHaraVeeraMallu ??
See you all in theaters on 28th March 2025! ?? pic.twitter.com/ZrfzFrvS6F
