నాగర్కర్నూల్, వెలుగు: పాలమూరు–-రంగారెడ్డి ప్రాజెక్టులోని 8వ ప్యాకేజీలో వట్టెం గ్రామం వద్ద నిర్మిస్తున్న వెంకటాద్రి రిజర్వాయర్, పంప్హౌజ్లో ఇరిగేషన్ అధికారులు గురువారం పంపుల డ్రై రన్ను విజయవంతంగా నిర్వహించారు. రాష్ట్ర ప్రభుత్వ ఎత్తిపోతల పథకాల ముఖ్య సలహాదారు పెంటారెడ్డి, ఇరిగేషన్ ఎస్ఈ సత్యనారాయణ రెడ్డి, ఈఈ పార్థసారథి, కాంట్రాక్ట్ ఏజెన్సీ సిబ్బంది సమక్షంలో ఒక పంప్డ్రై రన్ నిర్వహించారు. డ్రై రన్సక్సెస్ కావడంతో ఇంజనీర్లు, సిబ్బంది హర్షం వ్యక్తం చేశారు.
ఈ సందర్భంగా ప్రభుత్వ ఎత్తిపోతల పథకాల సలహాదారు పెంటారెడ్డి మాట్లాడుతూ.. భారీ వర్షాలకు నీట మునిగిన వట్టెం పంప్హౌజ్లో పంపులు, మోటార్లకు భారీ నష్టం వాటిల్లి పూర్తి స్థాయిలో పని చేస్తాయో లేదోనని ఉన్న అపోహాలు తొలగిపోయాయని తెలిపారు. నాలుగు పంపులు రెడీ అయ్యాయని, ఐదవ పంప్పనులు నడుస్తున్నాయని చెప్పారు. పవర్సప్లై రాగానే అన్ని పంపులను చార్జ్చేస్తామని తెలిపారు.
పాలమూరుపై సీఎం, మంత్రి ప్రత్యేక దృష్టి
వరద నీటిలో మునిగిన వట్టెం పంప్హౌజ్ను రికార్డ్ టైంలో డీ వాటరింగ్ పూర్తి చేశామని ఈఈ సత్యనారాయణరెడ్డి తెలిపారు. నీట మునిగిన పంపుల భాగాలను డ్రై చేసి మళ్లీ ఫిక్స్చేసి డ్రై రన్సక్సెస్ చేశామని, పూర్తి స్థాయిలో ఆర్పీఎం టెస్ట్ చేశామని చెప్పారు. మొదటి ప్యాకేజిలోని నార్లాపూర్లో కొంత పని పెండింగ్లో ఉందని, అది పూర్తయితే కర్వెన వరకు నీరిస్తామన్నారు. సీఎంతో పాటు మంత్రి ఉత్తమ్కుమార్రెడ్డి ప్రాజెక్ట్ పనులపై ప్రత్యేక దృష్టి పెట్టారని తెలిపారు. ఏడాదిలోగా అన్ని పనులు పూర్తి చేసి కృష్ట వరద సమయంలో రిజర్వాయర్లను నింపుతామని చెప్పారు.
