టైటిల్ : ఘోస్ట్
కాస్ట్ : శివ రాజ్కుమార్, ఎమ్జీ శ్రీనివాస్, అర్చన జోయిస్, జయరాం, అనుపమ్ ఖేర్, ప్రశాంత్
OTT MOVIES..మాస్ ఆడియెన్స్ కోసం.. స్ట్రీమ్ ఎంగేజ్ ఎమ్జీ శ్రీనివాస్
లాంగ్వేజ్ : కన్నడ, తెలుగు, మలయాళం, హిందీ, తమిళం, ప్లాట్ఫాం : జీ5
వామన్ శ్రీనివాసన్ (ప్రశాంత్ నారాయణన్) ఒక మాజీ సీబీఐ ఆఫీసర్. కర్నాటక సెంట్రల్ జైలు ప్రైవేటీకరణ బిల్లుకు ప్రభుత్వ అనుమతి కోసం పదేండ్లు పోరాడి... సాధిస్తాడు. తర్వాత భూమి పూజ కోసం ఆ జైలుకు వెళ్తాడు వామన్. వామన్, తన టీం కిడ్నాప్కి గురవుతారు. వాళ్లని అదే జైల్లో బంధిస్తారు. ఈ కేస్ డీల్ చేయడానికి గవర్నమెంట్ స్పెషల్ ఆఫీసర్గా చరణ్ రాజ్ (జయరామ్)ని పంపిస్తారు. చరణ్ ఇన్వెస్టిగేషన్లో వామన్ని కిడ్నాప్ చేసింది ఎవరో తెలుస్తుంది. అతని పేరు బిగ్ డాడీ అని.. అతను చనిపోయి పదేండ్లు అయినట్టు తెలుస్తుంది. మరి ఆ బిగ్ డాడీ ఎవరు? వామన్ని జైల్లోనే ఎందుకు కిడ్నాప్ చేయాలనుకున్నాడు? ఏజెన్సీలో ఉన్న పితామహాకు బిగ్ డాడీకి లింక్ ఏంటి? వంటి విషయాలు తెలుసుకోవాలంటే సినిమా చూడాల్సిందే. ఇది ఫుల్ మాస్ యాక్షన్ ఎంటర్టైనర్. ఎలివేషన్స్, బ్యాక్గ్రౌండ్ మ్యూజిక్ బాగున్నాయి.
మర్డర్ కేస్ సాల్వ్ చేశారా?
టైటిల్ : కన్నూర్ స్క్వాడ్
కాస్ట్ : మమ్ముట్టి, రోనీ డేవిడ్ రాజ్, కిశోర్,
విజయ రాఘవన్
డైరెక్టర్ : రోబీ వర్గీస్ రాజ్
లాంగ్వేజ్ : మలయాళం, తెలుగు, కన్నడ, హిందీ, తమిళం, ప్లాట్ఫాం : డిస్నీ ప్లస్ హాట్స్టార్
కేరళలోని కన్నూర్లో క్రైమ్ రేట్ని తగ్గించడానికి రెండు స్క్వాడ్ టీంలను ఏర్పాటు చేస్తాడు ఎస్పీ. ఒక్కో టీంలో నలుగురు ఉంటారు. అందులో ఒకటి ఏఎస్సై జార్జ్ మార్టిన్ (మమ్ముట్టి) గ్రూప్. ఈ గ్రూప్కి రాజకీయ నాయకుడి హత్య కేసు ఇన్వెస్టిగేషన్ బాధ్యత ఇస్తాడు ఎస్పీ. పది రోజుల్లోగా కేసును సాల్వ్ చేయమని చెప్తాడు. అయితే, ఆ స్క్వాడ్లోని ఒకరు లంచం తీసుకున్నట్టు ఆరోపణలు వస్తాయి. అయినా సరే ఆ కేసును సాల్వ్ చేసే బాధ్యత వాళ్ల గ్రూప్కే ఇస్తారు. ఎందుకలా చేశారు? చనిపోయిన వ్యక్తి ఎవరు? అతడ్ని ఎవరు, ఎందుకు చంపారు? ఇచ్చిన టైంలోపే జార్జ్ టీం కేస్ని సాల్వ్ చేయగలిగిందా? వంటివి తెలియాలంటే కన్నూర్ స్క్వాడ్ చూడాల్సిందే. పని విషయంలో టీం వర్క్ బాగుంటుంది. ట్విస్ట్లు, క్లైమాక్స్ చాలా బాగున్నాయి. స్క్వాడ్ టీంలో ప్రతి ఒక్కరి పర్ఫార్మెన్స్ బాగుంది. ఇన్వెస్టిగేటివ్ థ్రిల్లర్స్ ఇష్టపడేవాళ్లకు ఈ సినిమా బాగా నచ్చుతుంది.
విమెన్ పవర్
టైటిల్ : సుఖీ
కాస్ట్ : శిల్పాశెట్టి, అమిత్ సాధ్, కుష కపిల, పవ్లీన్ గుజ్రల్, కిరణ్ కుమార్, వినోద్ నాగ్పాల్
OTT MOVIES..మాస్ ఆడియెన్స్ కోసం.. స్ట్రీమ్ ఎంగేజ్ సోనల్ జోషి
లాంగ్వేజ్ : హిందీ
ప్లాట్ఫాం : నెట్ ఫ్లిక్స్
సుఖ్ప్రీత్ కర్లా అలియాస్ సుఖీ (శిల్పాశెట్టి) మిడిల్ క్లాస్ ఫ్యామిలీకి చెందిన పంజాబీ గృహిణి. నలభై ఏండ్లుగా ఆమె అదే జీవితాన్ని గడుపుతుంటుంది. అయితే టీనేజర్గా ఉన్నప్పుడు ఢిల్లీలో ఆమె ఎలా ఉండేదో.... తన గతాన్ని గుర్తు చేసుకుంటూ ఉంటుంది. ఆమె భర్త గురు (చైతన్య చౌధరీ) ఆమెని చులకనగా చూస్తుంటాడు. వాళ్లకు జెస్సీ (మాహీ జైన్) అనే కూతురు ఉంటుంది. ఒకరోజు సుఖీకి స్కూల్ రీయూనియన్ ప్రోగ్రామ్కి రమ్మని ఇన్విటేషన్ వస్తుంది. అది చూసి ఆమె తన గతాన్ని గుర్తుకుతెచ్చుకుంటుంది. చదువుల్లో, ఆటల్లో ఆమె ఎంత యాక్టివ్గా ఉండేదో చూపిస్తారు. మళ్లీ ఆమె తన ఫ్రెండ్స్ని కలిసి ఎంజాయ్ చేయాలి అనుకుంటుంది. అక్కడికి వెళ్లాక ఏం జరిగిందనేదే మిగతా కథ. సుఖీ సామర్థ్యాల గురించి తెలుసుకున్న భర్త మారతాడా?
రీ యూనియన్ తర్వాత నుంచి సుఖీ లైఫ్ ఎలా ఉంటుంది? అనేవి ఇంట్రెస్టింగ్ అంశాలు. ఇందులో శిల్పాశెట్టి యాక్టింగ్ చాలా బాగుంది. సెకండాఫ్ నుంచి సినిమా ఇంట్రెస్టింట్గా ఉంటుంది.
