- ఎంపీ రఘునందన్ రావు
రామచంద్రాపురం, వెలుగు: స్టూడెంట్స్ మీదనే దేశ భవిష్యత్ఆధారపడి ఉందని ఎంపీ రఘునందన్రావు అన్నారు. సోమవారం సంగారెడ్డి జిల్లా రామచంద్రాపురం జీహెచ్ఎంసీ డివిజన్ పరిధిలో కొత్తగా నిర్మించిన గవర్నమెంట్స్కూల్భవనాన్ని ఎమ్మెల్యే మహిపాల్ రెడ్డితో కలిసి ఆయన ప్రారంభించారు. ఈ సందర్భంగా ఎంపీ మాట్లాడుతూ.. స్టూడెంట్దశలో ఉన్న ప్రతీ బాలికకు స్వీయ రక్షణపై శిక్షణ అందించాలన్నారు. దేశ భవిష్యత్ తరగతి గది గోడల మధ్య నిర్మితమవుతుందన్న వివేకనంద సూక్తికి అనుగుణంగా స్టూడెంట్స్ను తీర్చిదిద్దాలని టీచర్లకు సూచించారు.
ఎమ్మెల్యే మహిపాల్ రెడ్డి మాట్లాడుతూ.. స్టూడెంట్స్చదువుతో పాటు క్రీడల్లో రాణించాలని, అన్ని రకాల క్రీడాకారులకు సహకారం అందించి పటాన్చెరును స్పోర్ట్స్హబ్గా తయారు చేస్తున్నామని చెప్పారు. కొత్త స్కూల్నిర్మాణానికి మన ఊరు మన బడి నిధులతో పాటు జీవీఆర్ఎంటర్ప్రైజెస్ ద్వారా రూ. 40 లక్షలు కేటాయించామని పేర్కొన్నారు. కార్యక్రమంలో జీహెచ్ఎంసీ కార్పొరేటర్లు పుష్ప, సింధూ, డిప్యూటీ కమిషనర్సురేశ్, పంచాయతీరాజ్ డీఈ సురేశ్, ఎంఈవో రాథోడ్, నగేశ్యాదవ్, పరమేశ్, ఐలేశ్
పాల్గొన్నారు.
