ఈ ఏడాది గూగుల్ లో ఎక్కువగా ఇవే వెతికిన్రు

సందేహం ఏదైనా సరే స్మార్ట్​ఫోన్​ చేతిలో ఉంటే టక్కున గూగుల్​ని​ అడగొచ్చు. సెర్చ్​ ఇంజన్లన్నీ జల్లెడ పట్టి ఇన్ఫర్మేషన్​ ​ పట్టేయొచ్చు. సినిమా, స్పోర్ట్స్​,  పాలిటిక్స్​.. టాపిక్​ ఏదైనా సరే ​ చిటికెలో జవాబిస్తుంది గూగుల్. అందుకే  గూగుల్​ ఫాలోవర్స్​ ప్రతిఏటా రెట్టింపు పెరుగుతున్నారు. లాక్​డౌన్​ పుణ్యమా అని  ఈ ఏడాది గూగుల్​ని ఇంకాస్త ఎక్కువగానే  వాడారు. ఇంతకీ 2020లో గూగుల్​ని​ ఎక్కువగా అడిగిన ప్రశ్నలేంటి? గూగుల్​ మోస్ట్​ సెర్చ్​ 2020 పర్సన్స్​​ లిస్ట్​లో  అమెరికా అధ్యక్షుడు జో బైడెన్​ ఫస్ట్​ ప్లేస్​​లో ఉన్నాడు. అమెరికా ప్రెసిడెంట్​ ఎన్నికలు  జరిగినప్పటి నుంచీ మనదేశంలో  బైడెన్​ గురించే ఎక్కువగా సెర్చ్​ చేశారు. ఆ తర్వాతి స్థానంలో రిపబ్లికన్​ టీవీ మేనేజింగ్  డైరెక్టర్​ ​ అర్ణబ్​ గోస్వామి నిలిచాడు. మూడో ప్లేస్​లో బాలీవుడ్​ సింగర్​ కనికా కపూర్​ ఉంది. కరోనా బారిన పడిన విషయం తెలియక ఆమె ఓ పార్టీలో పాల్గొంది. కొవిడ్​ రూల్స్​ని పాటించలేదంటూ ఆమెపై కేసు నమోదైంది. ఆ ఇన్సిడెంట్​  తర్వాత గూగుల్​లో  కనికా పేరుని  ఎక్కువగా సెర్చ్​ చేశారు. ఆ తర్వాతి స్థానంలో ఉత్తరకొరియా ప్రెసిడెంట్​ కిమ్​జాంగ్ ఉన్​​,  బాలీవుడ్​ సూపర్​ స్టార్​ అమితాబ్​ బచ్చన్, రషీద్​ ఖాన్​,  హీరో సుశాంత్  ఆత్మహత్య కేసులో నిందితురాలిగా ఉన్న రియా చక్రవర్తి, అమెరికా వైస్ ​ప్రెసిడెంట్ గా ఎన్నికైన కమలా హ్యారీస్​, హిందీ టెలివిజన్​ స్టార్​ ​ అంఖిత లోఖండే, బాలీవుడ్​ హీరోయిన్​ కంగనా రనౌత్​ పేర్లని గూగుల్​లో ఎక్కువగా సెర్చ్​ చేశారు. ఇవి ఎలా చేయాలి ఈ ఏడాది మోస్ట్​ సెర్చ్​ రెసిపీల లిస్ట్​లో  పన్నీర్​ ఫస్ట్​ ప్లేస్​లో ఉంది. పన్నీర్​  తయారీ గురించి, దాంతో చేసే  వెరైటీ వంటల గురించి  ఎక్కువగా వెతికారు. అలాగే ఇమ్యూనిటీ పెంచే రెసిపీల కోసం గూగుల్​లో  సెర్చ్​ చేశారు. ఆ తర్వాతి స్థానంలో డాల్గొనా కాఫీ నిలిచింది. లాక్​డౌన్​లో​ డాల్గోనా కాఫీ ట్రెండ్​  కావడంతో చాలామంది దీని తయారీ గురించి వెతికారు. వరల్డ్​ వైడ్​గానూ డాల్గోనా కాఫీ సెర్చింగ్ లిస్ట్​లో  ఫస్ట్ ప్లేస్​లో ఉంది. అలాగే ఈ ఏడాది మనోళ్లు జిలేబీ  మేకింగ్ ప్రాసెస్​ని  గూగుల్​లో ఎక్కువగా సెర్చ్​ చేశారు . మరణం తర్వాత బాలీవుడ్ వర్సటైల్​ యాక్టర్​ ఇర్ఫాన్​ ఖాన్​  పెద్ద  పేగు ఇన్ఫెక్షన్​ బారిన పడి చనిపోయిన సంగతి తెలిసిందే. అయితే ఆయన మరణం తర్వాత ఇ–కొలి​ ఇన్ఫెక్షన్​ గురించి ఎక్కువగా వెతికారు. ఆ వ్యాధి ఎందుకొస్తుంది?,  లక్షణాలేంటనే  ప్రశ్నలు గూగుల్​ సెర్చ్​ బార్​లో ఎక్కువగా కనిపించాయి. ఈ ఏడాది  మనదేశంలో మోస్ట్ గూగుల్డ్​  ప్రశ్నల్లో  ఈ ఇన్ఫెక్షన్​ ఆరో ప్లేస్​లో నిలిచింది. అలాగే హీరో సుశాంత్ సింగ్ ఆత్మహత్య తర్వాత నెపోటిజం గురించి ఎక్కువగా వెతికారు. సోలార్​ ఎక్లిప్స్​, ఎన్​.ఆర్​.సి,  ఇండియన్​ సిటిజన్ ​షిప్​ అమెండ్​మెంట్​ యాక్ట్, నెపొటిజం గురించి  కూడా ఎక్కువగా వెతికారు నెటిజన్లు. కరోనానే టాప్​ గూగుల్​ సెర్చ్​లో  ఈ ఏడాదంతా కరోనా హవానే నడిచింది. కరోనా ఎందుకొస్తుంది? అనే ప్రశ్నతో  మొదలుపెట్టి  వస్తే ఏం చేయాలి?  ఏం తినాలి? లక్షణాలు ఏంటి? సైడ్​ ఎఫెక్ట్స్​ ఏంటి?  హోం ఐసోలేషన్​లో ఎలా? లాంటి ప్రశ్నలన్నింటిని గూగుల్​లో  వెతికారు చాలామంది. మనదేశంలోనే కాదు వరల్డ్​​ వైడ్​ టాప్​ సెర్చింగ్​ లిస్ట్​లోనూ కరోనానే టాప్​. అలాగే ప్లాస్మా థెరపీ గురించి కూడా నెట్టింట్లో ఎక్కువగా అడిగారు. 2020 మోస్ట్​ సెర్చ్​ లిస్ట్​​లో ప్లాస్మా థెరపీ థర్డ్​ ప్లేస్​లో నిలిచింది. ఎవరీ బినోద్​ ఆగష్టులో ‘బినోద్​ థారు’  అనే పేరు  ట్రెండింగ్​లోకి వచ్చింది. పేటీఎం, ట్విట్టర్​, నెట్​ఫ్లిక్స్​, ఎయిర్​టెల్​,  డిస్నీ హాట్​స్టార్​, అమెజాన్​ ప్రైమ్​ వీడియో, టిండర్​, స్విగ్గీ లాంటి టాప్​  బ్రాండ్స్​ బినోద్​ పేరుతో మీమ్స్​ పోస్ట్​ చేశాయి. దాంతో ‘ఎవరీ బినోద్’?​ అంటూ నెటిజన్స్​ సెర్చ్​ చేయడం మొదలుపెట్టారు​. ‘స్లే పాయింట్’ అనే  హిందీ యూట్యూబ్​ ఛానెల్​  జులై 15న ‘వై ఇండియన్ కామెంట్స్ సెక్షన్ ఈజ్ గార్బేజ్ (బినోద్) అనే వీడియోని  పోస్ట్​ చేసింది.  తమ యూట్యూబ్ ఛానెల్​లో పోస్ట్ చేసిన  వీడియోలకు వచ్చిన విచిత్రమైన కామెంట్లను చదివారు ఆ వీడియో వీక్షకులు. అయితే వాళ్లు  అప్‌లోడ్ చేసిన  వీడియోలన్నింటి కామెంట్​ సెక్షన్స్​లో ‘బినోద్’​  పేరు కనిపించింది. దాంతో అన్ని ప్రశ్నలకు బినోద్ అని సమాధానం వాడుకోవచ్చని వ్యంగ్యంగా కామెంట్ చేశారు  ఆ  ఛానెల్​ యూట్యూబర్స్​  అభ్యుదయ్, గౌతమి. అంతే.. ఇక బినోద్​ ట్రెండింగ్ హవా ప్రారంభమైంది. ఒక్క రోజులోనే  స్టార్​ హీరో రేంజ్​ పాపులారిటీ ​ వచ్చింది​. ఇతను ఎవరో తెలుసుకునేందుకు నెటిజన్స్​ గూగుల్​ హెల్ప్​ తీసుకున్నారు. For More News.. ఈ ఏడాది బ్యాలెన్స్ తప్పింది! నీతి ఆయోగ్ న్యూఇయర్ ప్లాన్స్ రోహిత్ ఆడాలంటే మరోకరిపై వేటు పడాల్సిందే..