యాదగిరిగుట్ట, వెలుగు: యాదగిరిగుట్ట ఆలయంలోకి డ్యూటీలు చేసే సిబ్బంది తమ సెల్ఫోన్లను తేవడాన్ని నిషేధిస్తూ ఈవో భాస్కర్ రావు ఉత్తర్వులు జారీ చేశారు. జర్నలిస్టులతో పాటు ప్రధానాలయంలో డ్యూటీ చేసే మినిస్టీరియల్ సిబ్బంది, మతపర సిబ్బంది, నాలుగో తరగతి సిబ్బంది, ఎస్పీఎఫ్ పోలీసులు, హోంగార్డులు, అవుట్ సోర్సింగ్ సిబ్బంది కూడా సెల్ఫోన్లు తీసుకురావొద్దని ఆ ఉత్తర్వుల్లో పేర్కొన్నారు. ఈ ఆదేశాలు మంగళవారం నుండే అమల్లోకి వస్తాయని చెప్పారు.
