సిద్దిపేట టౌన్, వెలుగు: సిద్దిపేట పట్టణంలోని ఎస్సీ హాస్టల్ ను గురువారం ఎమ్మెల్యే, మాజీమంత్రి హరీశ్రావు ఆకస్మికంగా తనిఖీ చేశారు. స్టూడెంట్ల సమస్యలను తెలుసుకొని వారితో సహపంక్తి భోజనం చేశారు. అనంతరం ఆయన మాట్లాడుతూ.. మెస్చార్జీలు రాక స్టూడెంట్స్అర్ధాకలితో ఉంటున్న విషయం సీఎం, డిఫ్యూటీ సీఎంకి కనిపించడం లేదా అన్నారు.
ఈ విద్యా సంవత్సరంలో స్టూడెంట్స్కు ఇంకా టవల్స్, షూస్ ఇవ్వలేదని, 8 నెలల నుంచి ఔట్సోర్సింగ్, వాచ్మెన్లకు జీతాలు ఇవ్వడం లేదన్నారు. ఎస్సీ, ఎస్టీ, బీసీలంటే ఎందుకు అంత చిన్న చూపు అని ప్రశ్నించారు. కార్యక్రమంలో రాజనర్సు, రాధాకృష్ణ శర్మ, సంపత్ రెడ్డి, రవీందర్ రెడ్డి, నాగరాజు రెడ్డి, మల్లికార్జున్, తిరుమలరెడ్డి, సాయి ఈశ్వర్ గౌడ్ పాల్గొన్నారు.
