కోహెడ, వెలుగు: మండలంలోని శనిగరం ప్రాజెక్టును సోమవారం మంత్రి పొన్నం ప్రభాకర్ సందర్శించారు. ఈ సందర్భంగా గంగమ్మ తల్లికి పసుపు, కుంకుమ, పూలు వేసి పూజలు చేశారు. అనంతరం బీసీ హాస్టల్ ను తనిఖీ చేశారు. హాస్టల్పక్కన ఉన్న గుట్ట నుంచి వరద నీరు హాస్టల్ లోకి వస్తుందని సిబ్బంది మంత్రి దృష్టికి తీసుకురావడంతో గుట్ట నుంచి వచ్చే నీటిని డ్రెయిన్ సిస్టమ్ ద్వారా పంపించాలని మంత్రి అధికారులను ఆదేశించారు.
హాస్టల్లో అందుతున్న సౌకర్యాల గురించి స్టూడెంట్స్ను అడిగి తెలుసుకున్నారు. బోర్, టాయిలెట్స్ ఇబ్బంది ఉందని చెప్పగా వెంటనే అధికారులతో మాట్లాడి సమస్యలు పరిష్కరించాలని సూచించారు. తంగళ్లపల్లి గ్రామంలో విద్యుత్ స్తంభాల షిప్టింగ్ కోసం రూ.5 లక్షలు శాంక్షన్ చేసినప్పటికీ పనుల ఆలస్యంపై మండిపడ్డారు. అనంతరం మండల కేంద్రంలో తహసీల్దార్ఆఫీస్లో ప్రజా సమస్యలపై వినతి పత్రాలు స్వీకరించారు. పార్టీ మండల అధ్యక్షుడు ధర్మయ్య, శంకర్, జగన్రెడ్డి, సుధాకర్, రవీందర్, మల్లారెడ్డి, శ్రీకాంత్, తహసీల్దార్సురేఖ, ఎంపీడీవో కృష్ణయ్య, ఎంపీవో శోభ ఉన్నారు.
రోడ్లు, బ్రిడ్జిల నిర్మాణానికి రూ. 60 కోట్లు
హుస్నాబాద్: సిద్దిపేట జిల్లా హుస్నాబాద్ నియోజకవర్గంలో రోడ్లు, బ్రిడ్జిల నిర్మాణానికి పంచాయతీరాజ్ఎంఆర్ఆర్, సీఆర్ఆర్ గ్రాంట్ల కింద రూ.60 కోట్లు మంజూరైనట్టు మంత్రి పొన్నం ప్రభాకర్తెలిపారు. సోమవారం ఆయన నియోజకవర్గంలో పర్యటిస్తూ ఈ విషయాన్ని వెల్లడించారు. సీఆర్ఆర్గ్రాంట్కింద రూ.50 కోట్లు, ఎంఆర్ఆర్గ్రాంట్ కింద రూ.10 కోట్లు మంజూరైనట్టు చెప్పారు.
