టూర్లకు వెళ్లినప్పుడు రెగ్యులర్గా ఎదురయ్యే సమస్య.. నచ్చిన ఫుడ్ దొరక్కపోవడమే. అలాగని కావాల్సింది వండుకుని తిందామంటే స్టవ్, గ్యాస్ అంటూ పెద్ద సెటప్ అవసరం అవుతుంది. అందుకే ఇన్స్టాకప్ప అనే కంపెనీ సింపుల్గా వంట చేసుకోవడానికి పోర్టబుల్ మల్టీ ఎలక్ట్రిక్ కెటిల్ని తీసుకొచ్చింది. ఇందులో పాలు మరగబెట్టుకోవచ్చు. టీ, కాఫీ లాంటివి చేసుకోవచ్చు. గుడ్లు ఉడికించుకోవచ్చు. అన్నం, కూరలు కూడా వండుకోవచ్చు.
ప్యాక్లో వచ్చే లీటర్ కెపాసిటీ నాన్-స్టిక్ ఇన్నర్ పాట్ వాడి రకరకాల వంటలు చేసుకోవచ్చు. ఇది డ్రై బాయిల్ ప్రొటెక్షన్తో వస్తుంది. అంటే కెటిల్ ఖాళీగా ఉన్నప్పుడు ఆన్ చేస్తే.. ఆటోమేటిక్‌‌‌‌గా ఆఫ్ అయిపోతుంది. దీని బరువు కూడా చాలా తక్కువ.
కాబట్టి ఎక్కడికైనా ఈజీగా తీసుకెళ్లొచ్చు. ముఖ్యంగా చిన్న పిల్లలు ఉన్నవాళ్లకు ఇది బాగా యూజ్ అవుతుంది. పిల్లలకు బయటి ఫుడ్ పెట్టకుండా దీంతో ఎప్పటికప్పుడు ఫ్రెష్గా ఫుడ్ తయారుచేసి పెట్టొచ్చు.
ధర : రూ. 1,234
