పెద్దశంకరంపేట, వెలుగు:పెద్దశంకరంపేటలోని ఎంపీడీవో ఆఫీసును మెదక్ జడ్పీ సీఈవో ఎల్లయ్య శుక్రవారం తనిఖీ చేసి పలు రికార్డులను పరిశీలించారు. ఈ సందర్భంగా ఆయన మాట్లాడుతూ.. ప్రజాపాలన కేంద్రానికి వచ్చే దరఖాస్తులను వెంటనే ఆన్లైన్లో నమోదు చేయాలని సూచించారు.
అర్హులైన వారందరికీ ప్రభుత్వ పథకాలను తప్పనిసరిగా అందించేలా అధికారులు చర్యలు తీసుకోవాలని ఆదేశించారు. కార్యక్రమంలో ఎంపీడీవో రఫీక్ఉన్నిసా, ఎంపీవో విఠల్ రెడ్డి, పర్యవేక్షకుడు షాకీర్, ఆఫీసు సిబ్బంది, జీపీ సెక్రటరీలు పాల్గొన్నారు.
