గండిపేట, వెలుగు: అక్రమ సంబంధం పెట్టుకొని వివాహితను హత్య చేసిన నిందితుడికి జీవిత ఖైదు పడింది. వివరాల్లోకి వెళ్తే.. తన భర్తతో గొడవపడి జ్యోతి(35) అనే మహిళ తన ఇద్దరు పిల్లలతో కలిసి అత్తాపూర్పరిధిలోని రాంబాగ్లో నివాసం ఉంటోంది. ఆమెకు పెండ్లికాక ముందు తన స్వగ్రామానికి చెందిన మరో వ్యక్తి శ్రీకాంత్‌‌‌‌తో పరిచయం ఉంది. శ్రీకాంత్ అప్పుడప్పుడు జ్యోతి ఇంటికి వచ్చి వెళ్తుండేవాడు.
ఈ క్రమంలోనే తన భార్యను వదిలిపెట్టి, శ్రీకాంత్ను తనతోనే ఉండాలని జ్యోతి వేధించడం మొదలుపెట్టింది. దీంతో ఎప్పటికైనా తనకు జ్యోతితో ముప్పు ఉంటుందని భావించిన శ్రీకాంత్.. 2019లో ఆమెను హత్య చేసి పరారయ్యాడు. ఈ ఘటనలో నిందితుడిని పోలీసులు అరెస్ట్ చేసి, చార్జ్షీట్ దాఖలు చేశారు.
నేరం రుజువు కావడంతో ఎల్బీనగర్‌ 4వ అడిషనల్‌ కోర్టు న్యాయమూర్తి జె.కవిత నిందితుడికి జీవితఖైదుతో రూ.3 వేల జరిమానా విధిస్తూ సోమవారం తీర్పు వెలువరించారు.
