ముంబై: ఐపీఎల్లో పాల్గొనే ఆటగాళ్లే కాదు అభిమానులూ ఫేమస్ అవుతారనే దానికి మరో ఉదాహరణ. బ్రబౌర్న్ స్టేడియంలో ఆదివారం సాయంత్రం ఢిల్లీ క్యాపిటల్స్–కోల్కతా నైట్ రైడర్స్ మ్యాచ్కు వచ్చి టీవీలో కనిపించిన ఓ అమ్మాయి ఇప్పుడు మస్తు ఫేమస్ అయ్యింది. కేకేఆర్, ఆ టీమ్ కెప్టెన్ శ్రేయస్ అయ్యర్కు సపోర్ట్గా స్టాండ్స్లో వైట్ టాప్లో ఉన్న ఈ ముద్దుగుమ్మను కెమెరామెన్ చాలా సార్లు స్క్రీన్పై చూపించారు. కుల్దీప్ యాదవ్ అద్భుత రిటర్న్ క్యాచ్తో ఉమేశ్ యాదవ్ను ఔట్ చేసిన సందర్భంలోనూ స్క్రీన్పై ఈ అమ్మాయే కనిపించింది. దాంతో, ఆమెను కాకుండా మ్యాచ్ను చూపించాలంటూ ఫ్యాన్స్ సోషల్ మీడియాలో బ్రాడ్కాస్టర్పై సెటైర్లు వేశారు. ఇంత అందంగా ఉన్న ఈ అభిమాని పేరు ఆర్తి బేడి. ఆమె నటి, డాన్సర్. కొన్ని యాడ్స్లో నటించింది. అప్పటిదాకా ఆమె గురించి కొద్ది మందికే తెలుసు. కానీ, మ్యాచ్లో కనిపించిన తర్వాత ‘ఎవరీ మిస్టరీ గర్ల్’ అంటూ ఆర్తి ఫొటోలను చాలా మంది నెట్లో షేర్ చేసి ఫేమస్ చేశారు. ఈ దెబ్బకు మ్యాచ్కు ముందు ఇన్స్టాగ్రామ్లో ఆర్తి బేడికి 29 వేల మంది ఫాలోవర్లు ఉంటే.. ఒక్కరోజు తిరగకుండానే ఫాలోవర్లు డబుల్ అయ్యారు. ఈ సంఖ్య పెరుగుతూనే ఉంది.
