కార్తీక పూర్ణిమ రోజున ధార్మిక కార్యక్రమాలు చేయడం వల్ల విశేష పుణ్యఫలం లభిస్తుందని, దాన ధర్మాలు చేయడం వల్ల సిరి సంపదలు పెరుగుతాయని.. అన్నింటా అదృష్టం కలుగుస్తుందని విశ్వాసం. కార్తీక పున్నమి రోజు శుభ సమయం, ఉపవాసం, పూజా విధానాన్ని తెలుసుకుందాం..
కార్తీక మాసం శివ కేశవులను పూజించడానికి ఉత్తమైన మాసంగా పరిగణించబడుతుంది. కార్తీక పౌర్ణమి రోజున పుణ్య నదిలో చేసే స్నానం, దీపారాధన, దానం అత్యంత విశిష్టమని.. యాగం చేసిన ఫలితం లభిస్తుందని ఆధ్యాత్మిక గ్రంధాలు చెబుతున్నాయి. . ఈ సంవత్సరం (2023) కార్తీక పూర్ణిమ 27 నవంబర్ 2023 సోమవారం నాడు వచ్చింది. కార్తీక పూర్ణిమ రోజున ధార్మిక కార్యక్రమాలు చేయడం వల్ల విశేష పుణ్యఫలం లభిస్తుందని, దాన ధర్మాలు చేయడం వల్ల సిరి సంపదలు పెరుగుతాయని.. అన్నింటా అదృష్టం కలుగుస్తుందని విశ్వాసం.
కార్తీక పూర్ణిమ 2023 శుభ సమయం
- కార్తీక మాసం పౌర్ణమి తేదీ మరియు సమయం
- నవంబర్ 26, 2023 ఆదివారం మధ్యాహ్నం 03:53 గంటలకు ప్రారంభం
- నవంబర్ 27, 2023 సోమవారం మధ్యాహ్నం 02:45 గంటలకు ముగింపు
- ఉదయ తిథి ప్రకారం, 27 నవంబర్ 2023 సోమవారం నాడు పూర్ణిమ ఉపవాసం, స్నానం ఆచరిస్తారు.
కార్తీక పూర్ణిమ వ్రత, పూజా విధానం
ఈ రోజున ( నవంబర్ 27) సూర్యోదయానికి ముందే నిద్రలేచి పవిత్ర నదిలో స్నానం చేయండి లేదా గంగాజలం కలిపిన నీటితో ఇంట్లో స్నానం చేయవచ్చు. అనంతరం లక్ష్మీ దేవి, శ్రీమహావిష్ణువు, శివుడి ముందు నెయ్యితో దీపం వెలిగించి, పూజలు, పండ్లు, పువ్వులు, నైవేద్యాలు, ధూప నైవేద్యంతో హారతి ఇవ్వండి. రాత్రి చంద్రోదయం తర్వాత పచ్చి పాలను నీటిలో కలిపి చంద్రుడికి అర్ఘ్యం సమర్పించాలి. విష్ణువును పూజించిన తర్వాత చలిమిడి, వడపప్పు సహా పంచామృతాన్ని ప్రసాదంగా సమర్పించి ఉపవాసం విరమించాలి.
పురాణాల ప్రకారం, శ్రీ హరి విష్ణువు ఈ మాసంలో మత్స్యావతారం ఎత్తారు. ఈ సంవత్సరం (2023) కార్తీక పూర్ణిమ వ్రతం నవంబర్ 27 న నిర్వహించబడుతుంది. ఈ రోజున పవిత్ర నదిలో స్నానం చేయడం, దానం చేయడం వల్ల ఈ మాసమంతా పూజించినంత ఫలితం లభిస్తుందని విశ్వాసం. సిక్కు మతం ప్రకారం, కార్తీక పూర్ణిమను గురునానక్ జయంతిగా కూడా జరుపుకుంటారు.
పురాణ గ్రంధాల ప్రకారం, కార్తీక పూర్ణిమ రోజున కొన్ని ప్రత్యేక పనులు చేస్తే, లక్ష్మీదేవి చాలా సంతోషిస్తుంది. వ్యక్తి జీవితంలో డబ్బు, ధాన్యాల కొరత ఉండదు. ఈ ప్రత్యేక చర్యలలో కొన్నింటిని తీసుకుంటే, సంపద, ఆహారం ఇంట్లోనే ఉంటాయి. జీవితంలో ఎటువంటి ఆర్థిక నష్టాన్ని ఎదుర్కోవాల్సిన అవసరం లేదని నమ్ముతారు.
కార్తీక పూర్ణిమ రోజున ఈ పూజలు చేయండి
- కార్తీక పూర్ణిమ రోజున గంగా-యమునా నదిలో స్నానం చేయడం ద్వారా శుభం కలుగుతుంది.
- చేతిలో కుశాన్ని తీసుకుని పవిత్ర నదిలో స్నానం చేసి దానాలు చేయండి. ఇలా చేయడం వల్ల స్వస్థత చేకూరుతుందని నమ్మకం.
- కార్తీక పూర్ణిమ రోజున లక్ష్మీదేవి ప్రవేశం కోసం ఇంటి ప్రధాన ద్వారం వద్ద పసుపు కలిపిన నీటితో స్వస్తిక్ చేయండి. దీనితో పాటు, మామిడి ఆకుల తోరణం ఉంచండి. ఇలా చేయడం వల్ల లక్ష్మి దేవి ఇంట్లోకి ప్రవేశిస్తుంది.
- కార్తీక పూర్ణిమ రోజున గంగా ఘాట్ లేదా ఏదైనా పవిత్ర నది ఘాట్ వద్ద దీపం వెలిగించి దీపం వెలిగించడం ద్వారా దేవతల అనుగ్రహాన్ని పొందుతారు. దీనితో పాటు, ఇంట్లో ఆనందం శ్రేయస్సు వస్తుంది.
- కార్తీక పూర్ణిమ రోజున తులసి దగ్గర దీపం వెలిగించడం వల్ల ప్రతి పనిలో విజయం లభిస్తుంది.
- కార్తీక పూర్ణిమ నాడు శివుడిని కూడా పూజిస్తారు. ఈ రోజునే త్రిపురారి పూర్ణిమ అని కూడా అంటారు. ఈ రోజున, శివలింగంపై పాలు, పెరుగు, నెయ్యి, తేనె, గంగాజలం పంచామృతాన్ని సమర్పించడం ద్వారా భోలేనాథ్ సంతోషిస్తాడు.
- నదీతీరం దగ్గరలో లేకపోతే బావిదగ్గర అరటి దొప్పల్లో దీపం వెలిగించి ఒక పెద్ద పాత్రలో నీళ్లుపోసి అందులో దీపాలు వదలాలి.
- ఇంటి దగ్గర కూడా ఈశాన్య దిక్కున నీళ్లున్న పాత్రలో అరటి దొప్పల్లో దీపం వెలిగించి వదలాలి. ఆ తరువాత ఆ నీటిని తొక్కని ప్రదేశాల్లో కాని.. చెట్టు మొదట్లో కాని పోయాలి. . .
