ఇంటర్నెట్ యూజర్ల కోసం ఐదో జనరేషన్ మొబైల్ నెట్ వర్క్ వచ్చింది. అది ఇప్పుడు మనదేశంలో బాగానే వాడుతున్నారు. 4జీ కంటే దాదాపు 30 రెట్లు ఎక్కువ స్పీడ్ ఉంటుంది 5జీ. అయినప్పటికీ 5జీ ఇంటర్నెట్ కూడా నెమ్మదిగా ఉంటోంది అని చాలామందికి కంప్లయింట్స్ ఉన్నాయి. అలాంటప్పుడు డేటా స్పీడ్ పెరగడానికి ఈ టెక్ టిప్స్ పాటిస్తే సరి. అవేంటంటే..
మొదట 5జీ నెట్వర్క్కి కనెక్ట్ అయిందా? లేదా? అనేది చెక్ చేయాలి. ఫోన్లో సెట్టింగ్స్ ఓపెన్ చేసి, అందులో సెల్యులార్ డేటా ఆప్షన్ కింద ఫోన్ కనెక్ట్ అయిన నెట్వర్క్ల లిస్ట్ను చెక్ చేయాలి.
డేటా ఆన్ కాకపోయినా, స్లోగా ఉన్నా ఫోన్ని రీస్టార్ట్ చేయాలి. అలా చేస్తే మొబైల్ డేటా ఆన్ అవడంతోపాటు ఇంటర్నెట్ స్పీడ్ కూడా పెరిగే అవకాశం ఉంటుంది. ఫోన్ని రీస్టార్ట్ చేసేందుకు పవర్ ఆఫ్ స్లైడర్ కనిపించే వరకు బటన్ నొక్కి ఉంచాలి. పవర్ ఆఫ్ స్లైడర్ను కుడివైపుకి డ్రాగ్ చేయాలి. తర్వాత ఒక నిమిషం ఆగి, ఫోన్ని ఆన్ చేయాలి.
బ్యాక్గ్రౌండ్లో చాలా యాప్లు ఓపెన్ అయి ఉంటే, ఇంటర్నెట్ కనెక్షన్ స్లో అవుతుంది. అందుకని యాప్లని ఫోర్స్గా క్లోజ్ చేయాలి. యాప్ స్విచ్చర్ని ఓపెన్ చేసి, ఐఫోన్లో హోమ్ బటన్ను రెండుసార్లు క్లిక్ చేయాలి. లేదా ఆండ్రాయిడ్ ఫోన్లో అయితే, స్క్రీన్ కింద నుంచి పైకి స్వైప్ చేయాలి. అంతకంటే ముందు అవసరం లేని యాప్లను కూడా స్వైప్ చేయాలి.
రీసెంట్గా చూసిన వెబ్సైట్లు, యాప్ల నుంచి డేటాను ఫోన్ స్టోర్ చేస్తుంది. ఫోన్ స్పేస్ ఆక్రమించి, ఫోన్ స్లో అయ్యేలా చేస్తుంది. అలాంటప్పుడు Cache(క్యాచి) క్లియర్ చేసేందుకు సెట్టింగ్స్ యాప్ ఓపెన్ చేసి, General > Storage & iCloud Usage > మేనేజ్మెంట్ స్టోరేజ్కి వెళ్లి Cache క్లియర్ చేయాలనుకునే యాప్పై నొక్కాలి. ఆ తర్వాత Clear Cache ఆప్షన్ నొక్కాలి.
కొత్త ఫీచర్లు, బగ్ సొల్యూషన్స్తో ఫోన్ సాఫ్ట్వేర్ ఎప్పటికప్పుడు అప్డేట్ అవుతుంది. సాఫ్ట్వేర్ లేటెస్ట్ వెర్షన్ లేకుంటే బగ్ కారణంగానే ఇంటర్నెట్ స్పీడ్ తగ్గే అవకాశం ఉంది. అప్డేట్ల కోసం చెక్ చేయడానికి, సెట్టింగ్స్ ఓపెన్ చేసి, General > Software Update కి వెళ్లి, అప్డేట్ ఉంటే, డౌన్లోడ్ చేసి ఇన్స్టాల్ బటన్పై నొక్కాలి.
ఎయిర్ ప్లేన్ మోడ్ని ఆన్ చేసి, తర్వాత దాన్ని మళ్లీ ఆఫ్ చేయాలి. అలా చేస్తే నెట్ వర్క్ కనెక్షన్ని రీసెట్ చేసేందుకు స్పీడ్ పెరిగే ఛాన్స్ ఉంది.
