ఏప్రిల్ 17వ తారీఖున ‘ఇంటర్నేషనల్ బ్యాట్ అప్రిసియేషన్ డే’ జరిగింది. బ్యాట్ అంటే తెలుసుకదా గబ్బిలం. ఎగిరే క్షీరదాలు అయిన వీటి చుట్టూ ఉన్న అపోహలను తొలగించి, ఎకో సిస్టమ్(జీవావరణ వ్యవస్థ)కి ఈ జీవి వల్ల కలుగుతున్న లాభాల గురించి చెప్పడం ఈ డే ప్రధాన ఉద్దేశం. యుఎస్లో ‘బ్యాట్ కన్జర్వేషన్ ఇంటర్నేషనల్’ అనే ఎన్జీవో... ప్రపంచవ్యాప్తంగా గబ్బిలాల్లో ఉన్న పలు జాతులను పరిరక్షించే పనిలో ఉంది. ఈ డేను 2013 నుంచి ప్రతి ఏడు ఏప్రిల్ 17న జరుపుతున్నారు. ఎకో సిస్టమ్లో ప్రతీ జీవి తనదైన రోల్ ప్లే చేస్తూ పర్యావరణాన్ని కాపాడటంలో సాయం చేస్తుంటుంది. ఒక్క మనుషులు తప్ప భూమ్యాకాశాలకు చెడు చేసే జీవి విశ్వంలోనే లేదన్నమాట!
