ఆడోళ్లా మజాకా.. ఇప్పుడు వాళ్ల కోరికలు నెక్ట్స్ లెవల్లో ఉన్నాయి అనటానికి ఈ లిస్టు చాలు. వరుడు కోసం చూసిన అమ్మాయి.. తన అభిరుచులను.. కాబోయే భర్త క్వాలిఫికేషన్, ఆస్తుల వివరాలతో ఆన్ లైన్ లో పెట్టిన బయోడేటా.. సోషల్ మీడియాలో పెద్ద వైరల్ అయిపోయింది.. అదేంటో చూద్దామా..
పెళ్లి చేసుకోవాలకునే వ్యక్తి ఎవరైనా ఏం ఆలోచిస్తారు?.. తాను చేసుకోబోయే అబ్బాయి/అమ్మాయిమంచి వ్యక్తి అయి ఉండాలని, జీవితంలో సంతోషంగా బతికేందుకు ఏదో ఒక ఉద్యోగం ఉండాలని చాలామంది కోరుకుంటారు. ఇంకొందరు సొంత ఇల్లు, పొలం వంటి స్థిరాస్థులు ఉంటే మంచిదని అంటుంటారు. మరి కొందరు గవర్నమెంట్ జాబ్ లేదా సాఫ్ట్ వేర్ కొలువు ఉండాలని కోరుకుంటారు. ఇలా ఒక్కొక్కరూ ఒక్కో విధమైన ఆసక్తితో ఉంటారు. అందుకు సంబంధించి వివిధ మోట్రిమోనీ సైట్లలో ప్రకటనలు కూడా ఇస్తుంటారు. కొందరు సోషల్ మీడియాలోనూ తమ వివరాలను పోస్ట్ చేస్తుంటారు. ఇదంతా సాధారణమే. కానీ అప్పుడప్పుడు కొన్ని విచిత్రమైన పెళ్లి ప్రకటనలు కూడా సోషల్ మీడియాలో చక్కర్లు కొడుతుంటాయి. అందులో వధువు లేదా వరుడి వింత కోరికలు చూసి పలువురు ఆశ్చర్యపోతుంటారు. అలాంటి పోస్ట్ ఒకటి ప్రస్తుతం నెట్టింట హల్ చల్ చేస్తోంది. అందులో ఏముందంటే...
Her qualities and salary ?
— ShoneeKapoor (@ShoneeKapoor) September 10, 2024
Expected husbands qualities and salary?? pic.twitter.com/NGgJvVvN9l
వైరల్ సమాచారం ప్రకారం.. ఓ మహిళ బీఈడీ చదివింది. ఉద్యోగం చేస్తూ నెలకు లక్ష రూపాయిలు సంపాదిస్తోంది. కాగా ఆమెకు ఇంతకు ముందే పెళ్లి అయింది కానీ.. వివాదాల కారణంగా విడాకులు తీసుకున్నది. ప్రస్తుతం రెండవ పెళ్లి చేసుకోవడానికి వరుడికోసం వెతుకుతోంది. ఈ నేపథ్యంలో తనకు కావాల్సిన సంబంధం ఎలా ఉండాలో వివరిస్తూ ఓ పోస్ట్ పెట్టింది. కండిషన్స్ అప్లై అని పేర్కొన్న సదరు మహిళ, సెకండ్ మ్యారేజ్ చేసుకునేందుకు తనకు వరుడు కావాలని, అతను ఎంబీఏ, ఎంఎస్ చదివి సాఫ్ట్వేర్ ఇంజినీర్ ఉద్యోగం చేస్తూ ఉండాలని పేర్కొన్నది. పైగా అతనికి రూ.30 లక్షల జీతం (వార్షిక వేతనం), 3 బీహెచ్ కే ఇల్లు ఉండాలని ఎక్స్ ట్విట్టర్ లో పోస్ట్ చేసింది.
ALSO READ | Family Matters : పెళ్లంటే భయమెందుకు..? యువతలో ఉన్న భయాలు ఏంటీ..?
వరుడికి తల్లిదండ్రులు, అంటే తనకు అత్తా మామా ఉండకూడదని పేర్కొంటూ ఇచ్చిన పెళ్లి ప్రకటనను సోషల్ మీడియాలో పోస్ట్ చేసింది.ఒకవేళ వరుడికి పేరెంట్స్ ఉన్నా పెళ్లి తర్వాత అతనితో ఉండకూడని, విడిగా ఉండాలని, తన తల్లిదండ్రులు మాత్రం తనతో ఉంటారని ప్రకటనలో వెల్లడించింది. అలాగే ఇంటి పనులు చేయడానికి ఎప్పుడూ ఒక పనిమనిషి ఉండాలని పేర్కొన్నది. ఇలాంటి అర్హతలు ఉన్న వరుడు ఎవరైనా ఉంటే తనను సంప్రదించాలని తెలిపింది. అంతే కాదు ఆ మహిళ ఎక్కువ జీతం కలిగిన వ్యక్తి అయి ఉండి భారతదేశం, US లేదా UKలో స్థిరపడిన వారిని కోరుకుంటున్నట్లు వెల్లడించింది. ఇంకా ప్రపంచ వ్యాప్తంగా తనకు టూర్లు వెళ్లడం అంటే చాలా ఇష్టమంటూ.. తన వెళ్లే ప్రదేశంలో ఫైవ్ స్టార్ హోటళ్లలోనే బస చేసే విధంగా ఉండాలని పేర్కొంది.
దీనిని ఎక్స్ ట్విట్టర్ లో పోస్ట్ చేయడంతో వైరల్ అయింది. ఈ పోస్ట్ ను 1.5 మిలియన్ల కంటే ఎక్కువ మంది చూశారు. దీనిపై నెటిజన్లు స్పందించారు, ఆమె విడాకులు తీసుకున్నప్పటికి ..ఆమెకు అవివాహిత వ్యక్తి కావాలి అని అంటూ ఒకరు కామెంట్ చేయగా . మరొకరు ఆమె తల్లిదండ్రులు ఆమెతో ఉంటారు ..కానీ అత్తమామలు ఉండకూడదు.. పనిమనిషులు ఉండాలి.. భర్త తనను బాగా మెయింటెయిన్ చేయాలని కోరుకుంటుందని రాశారు. ఇంకొకరు ఆమెకు కాబోయే భర్తకు 30 లక్షలు జీతం ఉండాలట.. ఫైవ్ స్టార్ హోటల్స్ లో తిప్పాలట.. దీని అర్దం ఏమిటో అని ఆశ్చర్యంగా ఉందని కామెంట్ చేశారు.
